Ligj & JuridikTiranë1 javë më parëFull Time
Përshkrimi
Agikons sh.p.k është një kompani ndërtimi me 30 vite përvojë në treg dhe me vlerësim ndërkombëtar për standardin e lartë të punimeve. Forca kryesore e saj është stafi, të cilit kompania synon t’i ofrojë një mjedis mikpritës dhe vlerësim për kontributin, punën dhe përvojën e secilit. Në Agikons shpk, avancimi në detyrë dhe vlerësimi lidhen me rezultatet e arritura në punë.
Në kuadër të zgjerimit të veprimtarisë, Agikons kërkon të punësojë Jurist/e.
Detyrat
- Përgatit kontrata dhe marrëveshje të ndryshme ndërmjet kompanisë, klientëve, furnitorëve dhe palëve të tjera.
- Mbikëqyr procese administrative, duke përfshirë lejet e ndërtimit dhe shfrytëzimit, hipotekimin e pallateve dhe rezidencave, kontrollin hipotekor të pronave, si edhe procedura të tjera të nevojshme për ndërtimin e një objekti.
- Përfaqëson kompaninë pranë institucioneve administrative dhe ndjek procedurat ligjore, ankimet, prapësimet dhe korrespondencën zyrtare me autoritetet shtetërore lidhur me çështje juridike të veprimtarisë së shoqërisë.
- Përfaqëson shoqëritë e grupit në çështje gjyqësore, duke nisur nga hartimi i padive dhe ankimimeve deri te zhvillimi i negociatave.
Kualifikimet
- Të ketë përfunduar arsimin e lartë në Drejtësi.
- Të posedojë së paku 5 vite përvojë pune si Jurist/e.
- Të ketë përvojë në trajtimin e çështjeve gjyqësore.
- Të përdorë shumë mirë ''Paketën Office''.
- Të ketë aftësi të shkëlqyera për formulimin e qartë të mendimit juridik dhe për hartimin e tij sipas formateve të kërkuara.
- Të ketë kompetenca shumë të mira në komunikim, prezantim dhe bashkëpunim në ekip.
- Të njohë shumë mirë paketën Microsoft Office dhe sistemin online E–Albania.
Departamenti i Burimeve Njerëzore
Adresa: Blloku Rezidencial "Kodra e Diellit", Selitë, Tirane