Ndertimtari & InxhinieriTiranë1 javë më parëFull Time
Përshkrimi
AGIKONS Sh.p.k., një ndër kompanitë kryesore në sektorin e ndërtimit, e fokusuar te cilësia e lartë dhe standardet e larta profesionale, në kuadër të zgjerimit të aktivitetit të saj kërkon të përfshijë në Departamentin Teknik pozicionin Inxhinier/e Ndërtimi në zbatim.
Personi që do të mbajë këtë rol do të japë mbështetje teknike përgjatë gjithë procesit të ndërtimit, duke u bazuar në projektin, preventivin dhe specifikimet teknike, me synim ruajtjen e standardeve dhe lehtësimin e certifikimit të punimeve deri në dorëzimin përfundimtar të objektit.
Detyrat
- Siguron që të jetë i disponueshëm dhe i marrë i gjithë informacioni i domosdoshëm për realizimin e projektit sipas kontratave të sipërmarrjes.
- Analizon dhe interpreton vizatimet si edhe specifikimet e projektit, në mënyrë që puna të zbatohet saktë nga ana teknike.
- Punon ngushtë me ekipin për hartimin e dokumentacionit Tekniko–Ligjor dhe Tekniko–Financiar të objektit deri në dorëzimin final.
- Kryen një gamë të gjerë detyrash inxhinierike në terren, duke përfshirë mbikëqyrjen, vlerësimin teknik të ecurisë së punimeve dhe zgjidhjen e problematikave konstruktive në vend.
- Kujdeset që të gjitha punimet që hyjnë në fushën e përgjegjësisë së tij të realizohen sipas standardeve të cilësisë.
- Realizon testime dhe inspektime periodike në përputhje me procedurat e miratuara.
- Verifikon që personeli i grupit të caktuar të zbatojë praktika të sigurta pune, në përputhje me procedurat specifike të sigurisë në kantier dhe standardet e industrisë.
- Ndjek afatet e ndërtimit dhe kontribuon në vlerësimin e progresit të punimeve.
- Mban evidencë të përditshme për fazat e ndërtimit, si edhe të dhëna inxhinierike që shërbejnë për raportet e projektit.
- Përgatit preventiva, situacione mujore, libreza masash, kohëshënues dhe dokumentacion të ngjashëm.
- Jep zgjidhje për çështje të inxhinierisë teknike dhe koordinon zbatimin e tyre.
- Raporton te Kryeinxhinieri.
Kualifikimet
- Diplomë në Fakultetin e Inxhinierisë së Ndërtimit.
- Përvojë e mëparshme pune prej të paktën 3 vite.
- Zotërim i mirë i programit AUTOCAD, si edhe njohuri të Paketës Office.
- Aftësi shumë të mira në komunikim dhe menaxhim.
- Njohuri shumë të mira në leximin dhe zbatimin e projekteve.