Ligj & JuridikTiranë1 javë më parëFull Time
Përshkrimi
Agikons sh.p.k vepron në tregun e ndërtimit prej 30 vitesh dhe njihet ndërkombëtarisht për standardin e lartë në ndërtim. Vlera kryesore e kompanisë mbetet ekipi i saj, ndaj kompania kujdeset të ofrojë një mjedis mikpritës ku secili të ndihet i vlerësuar për punën dhe përvojën që sjell. Në Agikons sh.p.k, punonjësit kanë mundësi të zhvillohen profesionalisht dhe të avancojnë në bazë të rezultateve të arritura.
Në kuadër të zgjerimit të aktivitetit, kompania kërkon të angazhojë Jurist/e.
Detyrat
- Përgatit kontrata dhe marrëveshje të ndryshme që kompania lidh me klientë, furnitorë dhe palë të tjera.
- Ndjek procese të ndryshme administrative, si procedurat për leje ndërtimi, leje shfrytëzimi, hipotekimin e pallateve dhe rezidencave, verifikimin hipotekor të pronave, si edhe veprime të tjera të domosdoshme për realizimin e një objekti ndërtimor.
- Përfaqëson kompaninë pranë institucioneve administrative dhe merret me procedurat ligjore, ankimet, kundërshtimet dhe korrespondencën zyrtare me autoritetet shtetërore për çështje të caktuara që lidhen me veprimtarinë e shoqërisë.
- Përfaqëson shoqëritë e grupit në çështje të ndryshme gjyqësore, duke përfshirë hartimin e padive, përgatitjen e ankimeve dhe ndjekjen e negociatave.
Kualifikimet
- Të ketë përfunduar arsimin e lartë në fushën e Drejtësisë.
- Të ketë përvojë pune si Jurist/e për të paktën 5 vite.
- Të ketë eksperiencë në çështjet gjyqësore.
- Të përdorë shumë mirë ''Paketën Office''.
- Të ketë aftësi shumë të mira për formulimin e qartë të mendimit juridik dhe për hartimin e tij sipas formateve të kërkuara.
- Të ketë aftësi shumë të mira komunikimi, prezantimi dhe bashkëpunimi në grup.
- Të ketë njohuri shumë të mira të paketës Microsoft Office dhe të sistemit online E–Albania.