Agikons sh.p.k është një kompani ndërtimi me 30 vite prani në treg, e njohur edhe ndërkombëtarisht për standardin e lartë në ndërtim. Forca kryesore e saj mbetet ekipi i punës, ndaj kompania synon të ofrojë një mjedis mikpritës ku secili punonjës të ndihet i vlerësuar për angazhimin dhe përvojën që sjell. Brenda Agikons sh.p.k, vlerësimi dhe avancimi në detyrë mbështeten te rezultatet në punë.

Për kandidatët që kërkojnë një vend pune të qëndrueshëm, mundësi zhvillimi profesional dhe shpërblim më të mirë pas rritjes në detyrë, Agikons sh.p.k po kërkon të punësojë një Menaxher/e Shitjesh.

Qëllimi i Pozicionit:
Menaxheri i Shitjeve është përgjegjës për ndjekjen e transaksioneve të pasurive të paluajtshme, duke lidhur blerësit e interesuar me pronat e ndërtuara nga Agikons dhe duke përfaqësuar kompaninë gjatë procesit të negociimit.

Detyrat

Mbledh të dhënat e nevojshme nga terreni për hartimin e planit mujor të shitjeve për projektet e kompanisë.

Zbulon mundësi për zgjerimin e biznesit duke analizuar kërkesat e klientëve, madhësinë e tregut, lëvizjet e konkurrencës, prirjet e konsumatorëve dhe specifikat e produktit.

Harton dhe zbaton planet e shitjes për të realizuar objektivat e zhvillimit të biznesit, sipas kuotave të përcaktuara nga kompania për projektet që mbulon.

Jep informacion dhe kontribut në përcaktimin e politikave të çmimeve dhe ofertave të ndryshme për produktet e projekteve që ka në përgjegjësi.

Mban përgjegjësi për organizimin dhe administrimin e procesit të shitjes, si edhe për ndjekjen e tij në bashkëpunim me departamentet e tjera kur kjo kërkohet.

Identifikon klientët potencialë dhe prezanton produktet e projekteve që menaxhon.

Përgatit oferta të personalizuara duke përshtatur nevojat e klientëve me llojet e produkteve që ofron kompania.

Negocion me klientin dhe përmbyll specifikimet e produktit, kushtet e transaksionit dhe format e ndryshme të financimit.

Përgatit kontratat përkatëse dhe ndjek ecurinë e shitjes në përputhje me procedurat e përcaktuara.

Bashkëpunon me ekipin e marketingut për zbatimin e aktiviteteve promovuese që lidhen me produktet e projekteve që mbulon dhe me klientët e synuar.

Jep sugjerime dhe rekomandime për planet promovuese të kompanisë dhe të produkteve të projekteve në ngarkim, sipas audiencës së interesuar.

Njeh në hollësi projektin e caktuar nga eprorët dhe, në varësi të nivelit të njohurive, mund të mbajë edhe titullin Master Projekti.

Raporton çdo ditë te eprori, sipas procedurës në fuqi.

Kualifikimet

Të ketë përfunduar studimet e larta në nivel bachelor.

Të zotërojë më shumë se 3 vite përvojë pune në fusha të përafërta.

Të ketë njohuri shumë të mira të programeve bazë MO.

Të ketë përvojë në hartimin dhe zbatimin e strategjive të marketingut dhe publicitetit.

Të jetë person i besueshëm.

Të ketë aftësi të mira konkurruese dhe të bashkëpunojë mirë në grup.

Të zotërojë aftësi menaxheriale dhe vendimmarrëse.