Agikons sh.p.k ushtron veprimtarinë në ndërtim prej 30 vite dhe gëzon vlerësim ndërkombëtar për standardin e lartë të ndërtimeve të saj. Kompania e konsideron personelin pasurinë e saj kryesore dhe kujdeset të ofrojë një mjedis mikpritës, ku puna, përvoja dhe kontributi i çdo punonjësi vlerësohen. Në Agikons shpk, rezultatet e arritura në punë shërbejnë si bazë për vlerësimin dhe mundësitë e ngritjes në detyrë.

Agikons shpk ofron një vend pune të sigurt, mundësi për zhvillim në karrierë dhe shpërblim më të mirë financiar pas çdo ngritjeje profesionale.

Për të mbështetur zhvillimin e mëtejshëm, kompania synon të punësojë kandidatë të kualifikuar për pozicionin Arkitekt/e. Roli mbulon të gjithë ecurinë e projektit, nga projekt-ideja deri te projekt-zbatimi, duke përfshirë shqyrtimin e kërkesave të klientit dhe të rregulloreve, si edhe zhvillimin e dizajnit.

Përgjegjësitë

Harton projektin arkitekturor, përcakton afatet e dorëzimit dhe mbikëqyr punimet gjatë zbatimit të ndërtimit.

Zotëron njohuri të thelluara të ligjeve dhe rregulloreve në fuqi, si për projekt-zbatimin, ashtu edhe për përgatitjen e dokumentacionit teknik.

Njeh shumë mirë normativat e projektimit për banim, komplekse me objekte rezidenciale dhe hoteleri, shëndetësi, arsim dhe industri.

Shqyrton me klientin qëllimin dhe tipin e ndërtimit të kërkuar, si dhe kryen inspektime në kantier.

Verifikon që klientët e interesuar i kanë kuptuar saktë konceptet dhe skicat arkitekturore.

Përshtat skicat sipas kërkesave të klientëve, duke ruajtur përputhjen me planin e përgjithshëm teknik të ndërtimit.

Harton plane të hollësishme që përcaktojnë mënyrën e ndërtimit të strukturës, përfshirë të dhënat teknike ose specifikimet e materialeve dhe metodat e instalimit.

Kryen vizita të shpeshta në kantier për të kontrolluar zbatimin e saktë të planeve dhe për të miratuar materialet që do të përdoren.

Kontrollon dhe mbikëqyr punën e projektuesve arkitektonikë e mekanikë, si edhe të personelit tjetër të angazhuar në projekt.

Menaxhon projekte të ndryshme, përgatit plane pune dhe ndjek ecurinë e tyre në çdo fazë projektimi, nga projekt-ideja deri te projekt-zbatimi.

Zhvillon bashkëpunim me inxhinierët, planifikuesit urbanë, kontraktorët dhe arkitektët e tjerë, duke ruajtur marrëdhënie të mira me të gjitha palët e përfshira në projekt.

Kërkesat për kualifikim

Të ketë përfunduar studimet universitare në Arkitekturë.

Të zotërojë të paktën 3 vite përvojë pune të lidhur me pozicionin.

Të shfaqë nivel të lartë krijimtarie dhe aftësi për të sjellë risi.

Të ketë ndjeshmëri të zhvilluar artistike dhe kujdes të veçantë për detajet.

Të mendojë në mënyrë krijuese dhe të jetë i orientuar drejt bashkëpunimit në grup.

Të jetë në gjendje të shqyrtojë proceset dhe procedurat e punës, duke dalluar mundësitë për përmirësim.

Të zotërojë aftësi të shkëlqyera ndërpersonale dhe për krijimin e marrëdhënieve me kolegët.

Të komunikojë shkëlqyeshëm, si në mënyrë verbale, ashtu edhe joverbale.

Të përdorë shumë mirë programet bazë kompjuterike të paketës MS Office.

Të zotërojë në nivel të shkëlqyer programe profesionale kompjuterike, si Autocad dhe programe të tjera të ngjashme.

Të ketë aftësi të avancuara profesionale për modelim 2 -3 dimensional.