Këshillues Klienti M Elbasan
ShitjeElbasan5 ditë më parëFull Time
Përshkrimi
Neptun shpk është një nga kompanitë kryesuese të shitjes me pakicë për elektronikë konsumatore dhe pajisje elektroshtëpiake dhe bën pjesë në Grupin BALFIN. Që prej krijimit në 1993, Neptun ka ndërtuar bashkëpunime afatgjata me marka ndërkombëtare të njohura të teknologjisë. Si rishitës i autorizuar, u ofron klientëve mbi 7,500 produkte. Kompania ka 30 dyqane fizike dhe njihet si pionier i tregtisë elektronike në Shqipëri. Neptun vepron edhe në Maqedoninë e Veriut që nga viti 1998 dhe në Kosovë që nga viti 2007.
BALFIN Group renditet ndër grupet më të suksesshme të investimeve në Ballkanin Perëndimor. I krijuar në vitin 1993, grupi ushtron aktivitet në Austri, Shqipëri, Kosovë, Bosnje dhe Hercegovinë, Kroaci, Maqedoni të Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Portofoli i larmishëm përfshin banka, zhvillim të pasurive të paluajtshme, tregti me shumicë dhe pakicë, administrim asetesh, turizëm, logjistikë, arsim dhe argëtim.
Me rreth 5,500 profesionistë, Grupi BALFIN vijon zgjerimin e qëndrueshëm, duke u mbështetur në etikë të fortë biznesi, stabilitet financiar, inovacion dhe angazhim afatgjatë ndaj komunitetit nëpërmjet Fondacionit Mane.
Pozicioni: Këshillues Klienti
Departmenti: Retail
Vendodhja: Elbasan
Qëllimi i Pozicionit: Roli i Këshillues Klienti synon t'u sigurojë klientëve shërbim të shkëlqyer dhe një përvojë të kënaqshme blerjeje.
Detyrat
- Të përmbushë objektivin individual mujor të shitjeve përmes realizimit të vazhdueshëm të objektivave ditorë dhe javorë.
- Të komunikojë me klientët dhe t'i shërbejë ata në përputhje me standartet e kompanisë.
- Të kujdeset për mirëmbajtjen, renditjen dhe vendosjen e produkteve në sektorin përkatës.
- Të ndjekë dhe të zbatojë udhëzimet e shitjes që lidhen me sektorin e tij.
- Të trajtojë ankesat dhe komentet e klientëve sipas standarteve të kompanisë.
- Të njohë mirë dhe të monitorojë stokun e produkteve të sektorit përkatës.
- Të planifikojë dhe të propozojë porosi për produktet që ka nën përgjegjësi.
- Të kryejë inventarët e sektorit dhe të raportojë rezultatet e tyre.
Kualifikimet
- Të ketë Diplomë të Shkollës së Mesme; Diploma Universitare konsiderohet avantazh.
- Të disponojë minimum 2 vjet përvojë pune në shitje me pakicë.
- Të zotërojë mirë gjuhën angleze.
- Të jetë energjik dhe të pëlqejë punën në marrëdhënie me klientët.
- Të jetë i sjellshëm dhe i sigurt në vete.
- Të jetë i gatshëm të punojë nën presion dhe në rrethana sfiduese.
- Të jetë kreativ.