Këshillues Klienti Neptun Vlorë
ShitjeVlorë3 ditë më parëFull Time
Përshkrimi
Neptun shpk është një kompani udhëheqëse e tregtisë me pakicë për elektronikë konsumatore dhe pajisje elektroshtëpiake, si pjesë e Grupit BALFIN. Që prej krijimit në 1993, Neptun ka ndërtuar bashkëpunime afatgjata me marka të njohura ndërkombëtare të teknologjisë dhe, si rishitës i autorizuar, u ofron klientëve mbi 7,500 produkte. Kompania ka një rrjet me 30 dyqane fizike dhe ka qenë pararendëse e tregtisë elektronike në Shqipëri. Neptun vepron edhe në Maqedoninë e Veriut që nga viti 1998 dhe në Kosovë që nga viti 2007.
BALFIN Grup renditet ndër grupet më të suksesshme të investimeve në Ballkanin Perëndimor. I krijuar në vitin 1993, BALFIN zhvillon aktivitet në Austri, Shqipëri, Kosovë, Bosnje dhe Hercegovinë, Kroaci, Maqedoni të Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Portofoli i grupit përfshin banka, zhvillim të pasurive të paluajtshme, tregti me shumicë e pakicë, menaxhim asetesh, turizëm, logjistikë, arsim dhe argëtim.
Me rreth 5,500 profesionistë, Grupi BALFIN vijon zgjerimin e qëndrueshëm, i mbështetur në etikën e biznesit, stabilitetin financiar, inovacionin dhe angazhimin e vazhdueshëm për komunitetin përmes Fondacionit Mane.
Pozicioni punës: Këshillues Klienti
Departmenti: Retail
Vendodhja: Neptun Vlorë
Këshilluesi i Klientit synon të sigurojë shërbim cilësor për klientët dhe të kujdeset për hapësirën që ka në përgjegjësi.
Detyrat
- Të realizojë objektivin mujor të shitjeve për sektorin përkatës.
- Të komunikojë me klientët dhe t’i shërbejë ata sipas standardeve të kompanisë.
- Të kujdeset për mirëmbajtjen e sektorit të ngarkuar.
- Të ndjekë dhe zbatojë udhëzimet e shitjes në sektorin përkatës.
- Të organizojë vendosjen dhe prezantimin e produkteve në sektorin e tij/saj.
- Të trajtojë ankesat dhe vërejtjet e klientëve në përputhje me standardet e kompanisë.
- Të njohë mirë dhe të monitorojë stokun e produkteve në sektorin e tij/saj.
Kualifikimet
- Të ketë diplomë të Shkollës së Mesme; diploma universitare konsiderohet avantazh.
- Të ketë të paktën 2 vjet përvojë pune në shitje me pakicë.
- Të zotërojë mirë gjuhën angleze.
- Të jetë energjik dhe të pëlqejë puna në marrëdhënie me klientët.
- Të jetë i sjellshëm dhe i/e sigurt në vetvete.
- Të jetë i/e gatshëm/me të punojë nën presion dhe në rrethana sfiduese.
- Të ketë kreativitet.
Kushtet e punës
Neptun ofron një paketë përfitimesh konkurruese, përfshirë pagë të drejtë që bazohet në merita dhe në vlerësimin e performancës.
Kandidatët e përzgjedhur pas shqyrtimit të CV-së do të kontaktohen nga ekipi i Burimeve Njerëzore.