Kasiere Neptun Elbasan
ShitjeElbasan5 ditë më parëFull Time
Përshkrimi
Neptun shpk, pjesë e Grupit BALFIN, mban një pozicion udhëheqës në tregtinë me pakicë të elektronikës së konsumit dhe pajisjeve elektroshtëpiake. E themeluar në 1993, kompania ka ndërtuar bashkëpunime afatgjata me marka ndërkombëtare të njohura të teknologjisë dhe, si rishitës i autorizuar, u ofron klientëve mbi 7,500 produkte. Krahas 30 dyqaneve fizike, Neptun ka luajtur një rol pionier në tregtinë elektronike në Shqipëri. Aktiviteti i kompanisë shtrihet edhe në Maqedoninë e Veriut që prej vitit 1998 dhe në Kosovë që prej vitit 2007.
BALFIN Grup renditet ndër grupet më të suksesshme të investimeve në Ballkanin Perëndimor. Grupi u krijua në vitin 1993 dhe zhvillon aktivitet në Austri, Shqipëri, Kosovë, Bosnje dhe Hercegovinë, Kroaci, Maqedoni të Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Investimet e tij mbulojnë bankingun, zhvillimin e pasurive të paluajtshme, tregtinë me shumicë dhe pakicë, menaxhimin e aseteve, turizmin, logjistikën, arsimin dhe argëtimin.
Me rreth 5,500 profesionistë në përbërje, Grupi BALFIN ruan një rritje të qëndrueshme, të mbështetur në etikën e biznesit, qëndrueshmërinë financiare dhe inovacionin, si edhe në angazhimin afatgjatë për të kontribuar në komunitet nëpërmjet Fondacionit Mane.
Roli: Kasiere
Departamenti: Retail
Vendi i punës: Neptun Elbasan
Synimi i pozicionit: Kasierja organizon dhe kryen veprimtarinë e saj të përditshme duke zbatuar politikat e përgjithshme të kompanisë.
Përgjegjësitë
- Realizon shitjet dhe i regjistron ato në sistemin LOGI POS të dyqanit përkatës, duke ndjekur udhëzimet e përcaktuara dhe procedurën e duhur.
- Në përfundim të veprimit, përzgjedh klientin të cilit i faturohet shitja, kodin e Këshilluesit të Klientit dhe mënyrën e pagesës.
- Numëron me saktësi paratë CASH të marra nga klienti, dallon kartëmonedhat e falsifikuara dhe siguron kthimin e saktë të kusurit.
- Ofron shërbim për klientët dhe komunikon me ta.
- Kontrollon dhe skanon çdo produkt që kalon në kasë.
- I bën të ditur klientit çmimin e produktit.
- Shtyp kuponin ose faturën tatimore.
- Në përfundim të turnit, mbyll kasën dhe ia dorëzon paratë Financierit të dyqanit.
- Njofton Financën kur shfaqen probleme me produktet ose çmimet e tyre.
- Kujdeset për mirëmbajtjen e sektorit që ka në përgjegjësi.
Kualifikimet e nevojshme
- Kërkohet diplomë e Shkollës së Mesme; Diploma Universitare vlerësohet si avantazh.
- Duhet të zotërojë aftësi për administrimin e parave Cash.
- Duhet të jetë në gjendje të punojë edhe nën presion.
- Kërkohet energji dhe dëshirë për punë që përfshin marrëdhënie me klientët.