ShitjeTiranë3 ditë më parëFull Time
Përshkrimi
Agikons sh.p.k është një kompani ndërtimi me 30 vite përvojë në treg, e njohur ndërkombëtarisht për standardin e lartë të ndërtimit. Forca kryesore e saj është stafi, ndaj kompania synon të ofrojë një mjedis mikpritës ku kontributi, puna dhe përvoja e çdo punonjësi vlerësohen. Në Agikons shpk, secili punonjës mund të avancojë në detyrë dhe të vlerësohet në bazë të rezultateve të punës.
Kompania u ofron kandidatëve një vend pune të qëndrueshëm, mundësi zhvillimi profesional dhe rritje page pas çdo avancimi. Agikons shpk kërkon të punësojë një Menaxher/e Shitjesh.
Qëllimi i Pozicionit:
Menaxheri i Shitjeve mbikëqyr transaksionet e pasurive të paluajtshme, lidh blerësit e interesuar me pronat e ndërtuara nga Agikons dhe përfaqëson kompaninë gjatë negociatave.
Detyrat
- Mbledh të dhëna nga terreni për hartimin e planit mujor të shitjeve për projektet e kompanisë.
- Zbulon mundësi për zgjerim të biznesit duke analizuar kërkesat e klientëve, madhësinë e tregut, veprimtarinë e konkurentëve, parashikimet e sjelljes konsumatore dhe specifikimet e produktit.
- Harton dhe zbaton planet e shitjeve për përmbushjen e kuotave të zhvillimit të biznesit të përcaktuara nga kompania për projektet që mbulon.
- Jep informacion lidhur me politikat e çmimeve dhe ofertat e ndryshme për produktet e projekteve nën përgjegjësinë e tij/saj.
- Organizon dhe administron procesin e shitjes, si edhe e koordinon atë me departamentet e tjera kur kërkohet.
- Gjen klientë potencialë dhe prezanton produktet e projekteve që ka në mbulim.
- Përgatit oferta të personalizuara, duke përputhur nevojat e klientëve me produktet që ofron kompania.
- Diskuton me klientin dhe mbyll marrëveshjen për specifikimet e produktit, kushtet e transaksionit dhe format e financimit.
- Përgatit kontratat përkatëse dhe ndjek procesin e shitjes në përputhje me procedurat e përcaktuara.
- Bashkëpunon me ekipin e marketingut për zbatimin e aktiviteteve promovuese për produktet e projekteve që mbulon dhe për klientët e targetuar.
- Jep sugjerime dhe rekomandime për planet promovuese të kompanisë dhe produkteve të projekteve nën përgjegjësinë e tij/saj, për audiencën e interesuar.
- Njoh në hollësi një projekt të caktuar nga eprorët dhe, sipas nivelit të njohurive, mund të marrë titullin Master Projekti.
- Raporton çdo ditë te eprori, sipas procedurës në fuqi.
Kualifikimet
- Të ketë përfunduar studimet e larta Bachelor.
- Të zotërojë më shumë se 3 vite përvojë pune në fusha të ngjashme.
- Të përdorë shumë mirë programet bazë MO.
- Të ketë përvojë në hartimin e strategjive të marketingut dhe publicitetit.
- Të karakterizohet nga besueshmëria.