Administrator Pallati/Rezidence
Biznes & MenaxhimTiranë1 javë më parëFull Time
Përshkrimi
ADMINISTRATOR Pallati/Rezidence
Arlis Ndërtim renditet ndër kompanitë udhëheqëse në ndërtim dhe në investime për projekte zhvillimi. E nisur në vitin 2008, veprimtaria e saj ka përfshirë kontribute në disa rezidenca banimi dhe investime sociale të njohura në kryeqytet. Kompania vijon të zgjerohet, duke synuar të mbështesë përparimin ekonomik dhe social të komunitetit. Në funksion të këtyre synimeve dhe shtimit të vazhdueshëm të stafit, Arlis Ndërtim kërkon të plotësojë vendin e lirë për Administrator Kompleksi/Rezidence.
Roli: Administrator Kompleksi
Departamenti përkatës: Menaxhim-Mirembajtje
Përmbledhje e rolit: Përgjegjësia kryesore e administratorit të kompleksit është drejtimi i stafit në varësi dhe shërbimi si pika e parë e komunikimit me banorët për shqetësimet ose sugjerimet e tyre. Ai grumbullon informacione dhe ua përcjell instancave të tjera, së bashku me detyrat që tejkalojnë përgjegjësitë e tij.
Përgjegjësitë
- Të kontrollojë çdo ditë punën e punonjësve që ka në varësi.
- Të shpërndajë drejt detyrat, të verifikojë respektimin e orareve dhe të trajtojë problemet e përditshme të kompleksit.
- Të kryejë kontrolle teknike periodike për sistemin e mbrojtjes kundër zjarrit, ashensorët, tarracat, ndriçimin, kamerat, gjelbërimin, mirëmbajtjen higjieno-sanitare dhe elemente të tjera.
- Të marrë masat e nevojshme për mirëmbajtjen e bashkëpronësisë, përfshirë angazhimin e subjekteve të treta për përmbushjen e çdo nevoje të parashikuar në kontratën me banorët.
- Të sigurojë furnizimin me produkte higjieno-sanitare në bashkërendim me personin e autorizuar.
- Të përpilojë dhe të mbajë procesverbalet për produktet e pastrimit.
- Të zbatojë me përpikëri të lartë rregullat e bashkëjetesës.
- Të ndihmojë në trajtimin e kërkesave dhe ankesave të banorëve të kompleksit.