Specialisti i Financës për Shitjet mbikëqyr veprimtaritë financiare të ndërlidhura me shitjet, administron detyrimet e klientëve, barazon llogaritë dhe verifikon bonuset tregtare.

Kjo pozitë garanton evidentimin e saktë të dokumenteve të shitjes, përcjelljen e detyrimeve sipas kushteve të kontraktuara, kontrollin e stokut në magazinat sekondare dhe hartimin periodik të raporteve për klientët, bonuset dhe dallimet e identifikuara.

Detyrat kryesore

Verifikon regjistrimin e përditshëm të dokumentacionit të shitjeve.

Mbikëqyr detyrimet e arritura të klientëve dhe harton raporte mujore.

Bashkërendon me klientët dhe njësitë përkatëse arkëtimin dhe sqarimin e detyrimeve.

Realizon barazimin vjetor me klientët dhe përgatit akt-rakordimet.

Bën krahasimin mujor të shitjeve me TVSH dhe pa TVSH.

Barazon llogarinë 582 në Finance 5 me kartelat përkatëse të klientëve.

Shqyrton ndryshimet e çmimeve dhe përcaktimin e kushteve të klientëve në sistem.

Mbikëqyr stokun e magazinave sekondare, si edhe procesin e inventarizimit dhe rregullimin e diferencave.

Llogarit dhe verifikon bonuset e klientëve.

Harton raportet vjetore për bonuset e dhëna dhe të padhëna.

Analizon bonuset e klientëve të tre viteve të fundit, sipas xhiros, vlerës dhe kushteve.

Verifikon bonuset mujore të agjentëve dhe ato tremujore të supervizorëve.

Përgatit kartelat për pagesën e bonuseve dhe i kontabilizon ato.

Shqyrton kushtet e kontratave të reja, protokollimin dhe konfigurimin e tyre në sistem.

Kontrollon arkëtimet e agjentëve dhe raporton çdo diferencë apo çështje problematike.

Shqyrton klientët dhe furnitorët që kanë teprica kreditore ose detyrime për bonus.

Punon ngushtë me Financën, Shitjet, Logjistikën dhe departamentet e tjera për zgjidhjen e çështjeve.

Kualifikimet

Diplomë universitare në Financë, Kontabilitet, Ekonomi ose drejtime të përafërta.

Të paktën 3–5 vite përvojë në financë, kontabilitet të shitjeve ose administrim klientësh.

Përvoja në një rol kontrollues ose koordinues konsiderohet përparësi.

Njohuri të mira të kontabilitetit të shitjeve, klientëve dhe arkëtimeve.

Njohuri për TVSH-në, kontratat tregtare, kreditimin e klientëve dhe skemat e bonuseve.

Aftësi për barazimin e llogarive dhe analizimin e kartelave të klientëve.

Njohuri të mira të NAVISION, Finance 5 ose sistemeve të ngjashme ERP.

Njohuri shumë të mira të Microsoft Excel, duke përfshirë Pivot Table dhe analizat krahasuese.

Shkathtësi të mira organizative, analitike dhe drejtuese.

Aftësi për komunikim dhe negocim me klientët dhe strukturat e brendshme.

Saktësi, përgjegjshmëri, integritet dhe aftësi për ruajtjen e konfidencialitetit.

Aftësi për të punuar nën presion dhe për t'i respektuar afatet.