Kjo shpallje ka skaduar dhe nuk pranon më aplikime.
Specialist i Shërbimeve Bankare
Ligj & JuridikTiranë3 javë më parëFull Time
Përshkrimi
Union Bank ka vepruar me sukses në tregun bankar shqiptar për 20 vjet, duke u konsoliduar si institucion i sigurt, i qëndrueshëm dhe me rezultate të shkëlqyera. Me 34 degë dhe 76 ATM-sh në qytetet kryesore të vendit, banka u shërben në mënyrë profesionale dhe të besueshme më shumë se 150,000 klientëve. Që prej nisjes së veprimtarisë në vitin 2006, Union Bank është rritur vazhdimisht dhe sot ka mbi 100 miliardë lekë asete gjithsej.
Banka nxit një mjedis pune që mbështetet te diversiteti, përfshirja dhe mundësitë e barabarta për zhvillim, ku çdo pjesëtar i ekipit konsiderohet thelbësor për suksesin e përbashkët. Union Bank investon rregullisht në aftësimin dhe avancimin profesional të stafit, me synimin për të ofruar një përvojë të shkëlqyer bankare për klientët.
Institucioni vlerëson profesionistët e kualifikuar, besnikë dhe të përkushtuar si kapitalin e tij më të rëndësishëm dhe kërkon kandidatë që t'i bashkohen Departamentit të Shërbimeve Ligjore.
Specialist i Shërbimeve Bankare
Qëllimi i përgjithshëm i punës
Specialisti i Shërbimeve Bankare siguron mbështetje ligjore për kreditimin dhe shërbime të tjera bankare, harton kontrata e opinione ligjore, verifikon dokumentet dhe garanton respektimin e ligjeve dhe akteve rregullative. Pozicioni u jep mbështetje departamenteve të tjera për çështje juridike të përditshme, ndihmon në procedurat përmbarimore dhe administron raportet ligjore të Bankës me palët e treta. Roli mbulon çështje operative e standarde, përfshirë hartimin e kontratave të kredisë, regjistrimin e kolateraleve dhe asistencën për ankesat e klientëve.
Detyrat
Përgjegjësitë kryesore
- Harton, nënshkruan dhe përcjell opinione ligjore për kreditimin, rinovimin e ekspozimeve dhe çështje të tjera që lidhen me shërbimet bankare.
- Përpilon dhe verifikon kontrata kredie, marrëveshje dhe dokumente të tjera juridike për shërbimet e Bankës.
- Përgatit kontrata të reja për produktet bankare, si edhe rishikon e përditëson kontratat standarde për llogari rrjedhëse, depozita, karta, garanci, letër kredie etj.
- Ndjek zbatimin e kontratave dhe automatizimin e tyre në sistem, në përputhje me kërkesat dhe standardet.
- Harton opinione juridike për kërkesat e subjekteve tregtare, institucioneve shtetërore dhe organizatave jofitimprurëse.
- U ofron asistencë departamenteve të tjera të Bankës për çështjet ligjore që shfaqen në veprimtarinë e përditshme.
- Sugjeron zgjidhje ligjore për problematikat e ndryshme që përballet Banka.
- Ndihmon, kur kërkohet, në procedurat e regjistrimit të kolateraleve dhe akteve të tjera pranë ASHK dhe institucioneve përkatëse.
- Ofron këshillim juridik për legjislacionin tatimor, tregtar e bankar, si dhe për aktet rregullative të autoriteteve mbikëqyrëse.
- Përgatit dokumente ligjore për marrëdhëniet e Bankës me palët e treta dhe për çështje të veprimtarisë së saj të përditshme.