• Punët
• Rreth nesh
• Për punëdhënësit

Përshkrimi

Prej 20 vitesh, Union Bank ushtron me sukses veprimtarinë në tregun bankar shqiptar dhe është konsoliduar si institucion i besueshëm, i qëndrueshëm dhe me rezultate të shkëlqyera. Me 34 degë dhe 76 ATM-sh në qytetet kryesore të vendit, banka u shërben në mënyrë profesionale dhe të sigurt më shumë se 150,000 klientëve. Që prej nisjes së aktivitetit në vitin 2006, Union Bank ka shënuar rritje të pandërprerë dhe sot numëron mbi 100 miliardë lekë asete totale.

Union Bank vijon të investojë në trajnimin dhe rritjen profesionale të stafit, me synimin për të ofruar një përvojë bankare të shkëlqyer për klientët.

Banka kërkon profesionistë të kualifikuar, të përkushtuar dhe besnikë për t'iu bashkuar Departamentit SME në rolin:

Menazher i Zhvillimit të Produkteve dhe ESG

Qëllimi i përgjithshëm i punës

Roli drejton, në nivelin e Departamentit SME, zbatimin e planit dhe objektivave të Strategjisë ESG të Bankës. Ai i përfshin këto objektiva në strategjinë e departamentit, krijimin e produkteve, proceset e kreditimit, administrimin e portofolit dhe marrëdhëniet me klientët biznes. Pozicioni e kthen kuadrin ESG të Bankës në iniciativa, procese, kritere, objektiva, KPI dhe rezultate të matshme për SME-në; koordinon zbatimin ndërfunksional, ndjek ecurinë dhe garanton raportim të plotë për Departamentin SME dhe strukturat drejtuese të projektit ESG në Bankë.

Detyrat

Përgjegjësitë kryesore

• Shërben si person përgjegjës dhe pikë koordinuese e Departamentit SME për zbatimin e planit ESG.
• Përfaqëson Departamentin në projektin për hartimin dhe zbatimin e Strategjisë ESG të Bankës.
• Së bashku me Drejtorin e Departamentit SME dhe ekipin e projektit ESG, i shndërron objektivat strategjike të Bankës në një plan pune për biznesin, që përfshin iniciativa, prioritete, përgjegjësi, afate, burime, varësi dhe KPI të matshme.
• Jep ekspertizë të specializuar në grupet e punës për Strategjinë ESG të Bankës, duke paraqitur nevojat, veçoritë e portofolit dhe mundësitë për zhvillimin e biznesit dhe produkteve kreditore.
• Krijon produkte dhe oferta për financim të qëndrueshëm për klientët biznes, duke përfshirë financime të gjelbra e sociale, eficiencë energjetike, energji të rinovueshme, digjitalizim, përfshirje sociale dhe skema të mbështetura nga partnerët.
• Ndërton dhe ndjek pipeline-in e financimeve ESG në portofolin SME, ndihmon CRM/BM në identifikimin e mundësive te klientët aktualë dhe potencialë, si dhe zhvillon një qasje këshilluese për investimet dhe tranzicionin e qëndrueshëm të klientëve.
• Bashkërendon dhe mbikëqyr zbatimin në SME të linjave të kreditit, fondeve të garancisë dhe programeve të partnerëve kombetare e nderkombetare që kanë komponent ESG, duke siguruar respektimin e kushteve të programit, shfrytëzimin efektiv të fondeve dhe raportimin sipas kërkesave.
• Ndjek KPI-të ESG të Departamentit SME, përfshirë vëllimin dhe numrin e financimeve të qëndrueshme, pipeline-in, sektorët e financuar, cilësinë e portofolit, përdorimin e programeve, treguesit e ndikimit dhe nivelin e realizimit të planit.
• Harton dhe zhvillon trajnime për CRM/BM dhe njësitë e përfshira lidhur me kriteret ESG, identifikimin e financimeve të pranueshme, komunikimin me klientët, përdorimin e mjeteve dhe kërkesat e raportimit.
• Mbështet projekte të tjera strategjike të Departamentit SME që lidhen me kreditimin, digjitalizimin dhe menaxhimin e klientëve, duke garantuar integrimin e kërkesave dhe objektivave ESG që në fazën e konceptimit dhe matjen e tyre gjatë zbatimit.

Komente të tjera: Në përputhje me autorizimet dhe politikat e Bankës, pozicioni ka qasje në të dhënat e nevojshme për portofolin, klientët, produktet, riskun, performancën financiare dhe indikatorët ESG.

Kualifikimet

Profili individual

• Diplomë universitare në financë, ekonomi ose administrim biznesi.
• Vlerësohet posedimi i një certifikimi profesional të njohur në ESG ose financë të qëndrueshme.
• Të paktën 3 vite përvojë ne banking SME, kreditim biznesi ose institucione nderkombetare.
• Njohuri mbi standardet, metodologjitë dhe kërkesat rregullatore të zbatueshme për ESG-në, riskun mjedisor e social, klimën dhe klasifikimin e financimeve të qëndrueshme.
• Zotërim shumë i mirë, me shkrim dhe me gojë, i gjuhës angleze.
• Aftësi të mira për koordinim me kolege te departamenteve te tjera.
• Njohuri të mira të paketës Microsoft Office.

Dokumentet e kërkuara

• CV-ja.
• Letra e shprehjes së interesit për pozicionin.

Vetëm kandidatët e përzgjedhur do të kontaktohen nga Departamenti i Burimeve Njerëzore dhe Kulturës Organizative.