TEB Sh.A është një nga bankat më me reputacion në Kosovë dhe është pjesë e një brendi të njohur bankar në Turqi, e mbështetur nga autoriteti ndërkombëtar BNP Paribas.

TEB tani është duke kërkuar dy kandidatë të kualifikuar për pozitën e Arkitektit të Sigurisë në Zyrën Qendrore.

Përgjegjësitë Kryesore:

Projektimi dhe mirëmbajtja e topologjive të sigurta të rrjetit për të gjitha aplikacionet, platformat dhe infrastrukturën kritike.

Përcaktimi dhe zbatimi i parimeve të arkitekturës "Zero Trust" (Besim Zero),
duke përfshirë mikro-segmentimin, qasjen në rrjet me privilegje minimale dhe kontrollet e bazuara në identitet.

Projektimi, menaxhimi dhe udhëheqja e strategjive për Menaxhimin e Identitetit dhe Qasjes (IAM) si dhe për Qeverisjen dhe Administrimin e Identitetit (IGA).

Ofrimi i udhëzimeve teknike dhe mentorimit për Specialistët e Sigurisë së Informacionit, Inxhinierët e Sigurisë së Rrjetit dhe Analistët e SOC-ut.

Bashkëpunimi me ekipet e TI-së (Teknologjisë së Informacionit), Operacioneve Kibernetike (Cyber Ops) dhe Qeverisjes Kibernetike për të vendosur në punë zgjidhje të sigurisë të bazuara në rrezik.

Udhëheqja e rishikimeve të Komitetit të Arkitekturës për të vlerësuar, miratuar ose refuzuar sisteme të reja, ndryshime në infrastrukturë dhe adaptime teknologjike.

Rishikimi, projektimi dhe validimi i arkitekturave të sigurta për të gjithë ofruesit e palëve të treta, APItë e jashtme dhe shitësit e ndërlidhur me rrjetin e Bankës.

Vendosja e kontrollit të sigurtë të trajtimit të të dhënave, enkriptimit gjatë tranzitit dhe kontrollit të perimetrit posaçërisht për rrjedhat e të dhënave që ndërveprojnë me entitete të jashtme.

Konfigurimi dhe monitorimi i mjeteve SIEM, DLP dhe të monitorimit të rrjetit. Bashkëpunimi me ekipet SOC dhe CSIRT për të zbuluar, hetuar, dokumentuar dhe rregulluar aktivitetin ose incidentet anormale.

Zhvillimi i diagrameve të rrjedhjes së rrjetit, diagrameve të rrjedhjes së të dhënave për të gjitha aplikacionet dhe topologjitë e sistemit, duke siguruar pajtueshmërinë me standardet e sigurisë dhe rregullative.

Projektimi dhe zbatimi i kanaleve të sigurta të komunikimit, konfigurimeve të balancuesve të ngarkesës, WAF-it (Firewall-it të Aplikacioneve Web), firewall-eve dhe politikave të portave hyrëse (gateway).

Hartimi, rishikimi dhe përditësimi i rregullave të firewall-it, WAF, IPS/IDS, balancuesit të ngarkesës dhe portës hyrëse (gateway) të sigurisë.

Sigurimi që politikat të jenë në përputhje me linjat bazë të sigurisë, kërkesat rregullatore (DORA, CBK) dhe standardet e Sigurisë së Grupit.

Kryerja e rishikimeve periodike të rregullave, pastrimit dhe validimit të rrjedhave të rrjetit.

Zhvillimi i standardeve të emërimit (tagging), etiketimit dhe klasifikimit për segmentet e rrjetit, rrjedhat e të dhënave dhe asetet kritike.

Mbikëqyrja e forcimit të sigurisë së pajisjeve të rrjetit, serverave, aplikacioneve dhe pikave fundore (endpoints).

Kryerja e vlerësimeve periodike të dobësive, rishikimeve të konfigurimit dhe validimit të sigurt të linjës bazë.

Mbështetja e përpjekjeve të rikuperimit dhe ofrimi i rekomandimeve teknike për zbutjen
e rrezikut.

Kërkesat për njohuri dhe aftësi:

Diplomë të studimeve themelore (Bachelor) / Master në Shkenca Kompjuterike, Siguri
Informacioni ose një fushë të lidhur.

Përvojë bankare në detyra të ngjashme

Njohuri të kërkuara të teknologjive të zgjidhjeve të serverëve, uebit dhe aplikacioneve

Aftësi për të vendosur politika dhe procedura në lidhje me kërkesat e punës

Aftësi për të koordinuar ekipet ndër-funksionale dhe për të ndikuar në vendime

Integritet, konfidencialitet dhe etikë profesionale e lartë e kërkuar në një institucion financiar

Përvojë praktike në hartimin e topologjive të sigurta të rrjetit, politikave të firewall/WAF,
balancuesve të ngarkesës, SIEM, IAM, DLP dhe portave (gateways) të sigurisë.

Përvojë e dëshmuar me arkitekturat Zero Trust, mikro-segmentimin dhe projektimin e rrjedhës së të dhënave.

Njohuri me menaxhimin e dobësive, konfigurimin e sigurt, reagimin ndaj incidenteve dhe
mbikëqyrjen e rikuperimit.

Njohuri të thella të protokolleve të rrjetit, routing, VLAN, VPN, segmentimit, balancuesve të
ngarkesës, firewall-eve dhe WAF-ve.

Nivel i mirë i njohjes së gjuhës angleze

Patent shoferi Kategoria B