Debt Collector
Finance, Banke & KontabilitetTiranë2 javë më parëFull Time
Përshkrimi
“ITE Group” operon në tregun shqiptar si një ndër kompanitë kryesore në fushën e materialeve elektrike, pajisjeve elektronike dhe telekomunikacionit. Në cilësinë e distributorit në Shqipëri, kompania përfaqëson marka ndër më të njohurat në botë, si “Schneider Electric”, “Philips”, “Bosch” dhe “Vimar”. Duke u mbështetur te partnerë që ofrojnë cilësi të qëndrueshme në produkte dhe shërbime, “ITE Group” mban standarde të larta në veprimtarinë e saj. Në kuadër të zgjerimit të ekipit, kompania kërkon një Debt Collector.
Ky pozicion ka si qëllim administrimin dhe monitorimin e faturave të pashlyera, me theks të veçantë te ato që kanë kaluar afatin e pagesës. Roli kontribuon në arkëtimin në kohë të detyrimeve, në ruajtjen e marrëdhënieve profesionale me klientët dhe në raportimin e saktë të të dhënave financiare.
Detyrat
- Hartimi i raporteve periodike që pasqyrojnë situatën e arkëtimeve.
- Ndjekja e pagesave të prapambetura përmes emailit, telefonatave ose mënyrave të tjera të komunikimit.
- Bashkërendimi me klientët për të adresuar mospërputhjet në faturim dhe për rakordimin e kartelave.
- Hedhja dhe përditësimi i informacionit të pagesave në sistemin financiar.
- Punë e koordinuar me departamentin e financës, shitjeve dhe zyrën ligjore.
- Zbatimi i politikave dhe procedurave financiare të kompanisë në të gjitha proceset përkatëse.
Kualifikimet
- Diplomë në Ekonomi, Administrim Biznesi ose në fusha të ngjashme.
- Eksperiencë e mëparshme në punë.
- Zotërim shumë i mirë i Excelit; njohja e sistemit financiar Navision konsiderohet avantazh.
- Aftësi shumë të mira në komunikim.
- Aftësi për të punuar si në mënyrë të pavarur, ashtu edhe në ekip.
- Kujdes i lartë ndaj detajeve dhe ndjenjë përgjegjësie për cilësinë e punës.