Inxhinier Zyre
Ndertimtari & InxhinieriTiranë1 javë më parëFull Time
Daton Construction po zgjeron ekipin – kërkon Inxhinier Zyre
Daton Construction është në kërkim të një Inxhinieri Zyre, një rol ideal për profesionistë që duan të kontribuojnë në përpunimin dhe menaxhimin teknik të projekteve ndërtimore.
Në përditshmërinë tënde, do të përpunosh volumet e punimeve, do të detajosh librezat e masave dhe do të përgatisësh situacionet mujore. Do të bashkëpunosh ngushtë me inxhinierët e zbatimit dhe nënkontraktorët, dhe do të kontrollosh vizatimet, projektet dhe dokumentacionin teknik.
Kjo është një mundësi e shkëlqyer për të qenë pjesë e një ekipi ku profesionalizmi reflektohet në çdo projekt. Nëse ke përvojë në zyra teknike dhe njohuri të mira të programeve inxhinierike, kjo pozitë është për ty.
Përgjegjësitë
- Përpunon volumet e punimeve, detajon librezat e masave dhe përgatit situacionet mujore
- Hartimi, verifikimi dhe ndjekja e librezave të masave në bashkëpunim me inxhinierët e zbatimit në kantier/nënkontraktorët
- Përgatitja/kontrolli i situacioneve mujore të punimeve përfshirë situacionet progresive dhe përfundimtare për sipërmarrësin dhe nënkontraktorët
- Ndjekja e miratimit të situacioneve nga Mbikëqyrësi i Punimeve ose Kontraktori Kryesor
- Kontrollon vizatimet, projektet dhe dokumentacionin teknik të ardhur, si dhe kujdeset për sistemimin dhe administrimin e tyre
- Verifikon përputhshmërinë e projekteve me preventivat përkatës dhe dokumentacionin kontraktual
Kualifikimet:
- Diplomë Universitare në Inxhinieri Ndërtimi (Bachelor / Master)
- Përvojë pune e mëparshme në pozicion të ngjashëm ose në zyrë teknike
- Njohje shumë e mirë e programeve inxhinierike (AutoCAD, Microsoft Excel në nivel të avancuar; programet e preventiveve si Cype/Astra përbëjnë avantazh)
- Aftësi shumë të mira në leximin dhe interpretimin e projekteve ndërtimore
- Njohje e legjislacionit teknik dhe standardeve të ndërtimit në vend