Ndihmës Magazinier
Transport & LogjistikeTiranë2 javë më parëFull Time
Përshkrimi
Coca-Cola Bottling Shqipëria sh.p.k (CCBS) vepron si një nga kompanitë kryesore në tregun shqiptar të pijeve freskuese joalkoolike, me disa nga markat më të njohura ndërkombëtare.
Në CCBS vlerësohet rritja e qëndrueshme e biznesit, ndikimi pozitiv në komunitet dhe zhvillimi i stafit përmes organizimit të fortë dhe vendosjes së njerëzve të duhur në rolet e duhura.
Kompania është në kërkim të një Ndihmës Magazinier.
Qëllimi i punës
Ky pozicion synon të garantojë administrimin e saktë fizik dhe në sistem të produkteve të gatshme, duke mbajtur nën kontroll saktësinë e stokut, zbatimin e parimeve FIFO / FEFO, përgatitjen korrekte të ngarkesave dhe mbështetjen e vazhdueshme të proceseve të shitjes dhe shpërndarjes.
Detyrat
- Përgatit porositë duke u bazuar në listat e ngarkimit.
- Kujdeset që picking të kryhet me saktësi, paletizimi të jetë i rregullt dhe etiketimi të bëhet siç duhet.
- Ndihmon në ngarkimin e kamionëve në bashkëpunim me karrelistët.
- Realizon lëvizjet e produkteve mes magazinës së fabrikës dhe magazinës së jashtme sipas udhëzimeve të magazinierit.
- Siguron që transfertat të regjistrohen saktë në sistem.
- Dallon produktet e dëmtuara, jo-konforme ose ato që paraqesin dyshime.
- Veçon fizikisht produktet problematike dhe njofton menjëherë supervisorin.
- Zbaton procedurat që lidhen me produktet e bllokuara dhe kthimet nga tregu.
- Merr pjesë në inventarët ditorë, ciklikë dhe mujorë.
- Mbështet auditimet e brendshme dhe proceset e kontrollit të stokut.
- Mban rendin, pastërtinë dhe organizimin në ambientin e magazinës.
- Respekton rregullat e sigurisë në punë (H&S).
- Përdor në mënyrë të duhur pajisjet dhe mjetet e punës.
- Ndjek procedurat e brendshme dhe udhëzimet operative.
Kualifikimet
- Të ketë përfunduar arsimin e mesëm, ndërsa arsimi i lartë konsiderohet avantazh.
- Të zotërojë aftësi shumë të mira organizative dhe menaxhimi të kohës.
- Të ketë komunikim shumë të mirë, si me gojë ashtu edhe me shkrim.
- Të dijë të përdorë MS Excel dhe Outlook.
- Njohja e një gjuhe të huaj, si Italiane dhe/ose Angleze, vlerësohet si përparësi.
Çfarë ofrojmë
- Paketë për mbulim shëndetësor.
- Perspektivë reale për promovim dhe zhvillim në karrierë.
- Trajnime profesionale të shumta dhe programe zhvillimi.
- Bonuse dhe shpërblime të ndryshme në varësi të performancës.
- Pagë të 13-të.