Student ne Ekipin e Monitorimit te IT
Teknologji Informacioni (IT)Tiranë3 javë më parëFull Time
Përshkrimi
Student ne Ekipin e Monitorimit te IT
Nëse studion në një profil të IT-së, të ftojmë t’i bashkohesh ekipit tonë të monitorimit!
Monitorimi i IT-së kryhet nga një ekip që operon 24/7, i cili ndjek në mënyrë proaktive shërbimet dhe aplikacionet kritike. Për të garantuar performancë optimale, disponueshmëri dhe vazhdimësi të biznesit, ekipi vëzhgon sistemet, u përgjigjet alarmeve, përshkallëzon problemet dhe bashkërendon punën me kolegët e tjerë të IT-së.
Përgjegjësitë
- Mbikëqyrja e sistemeve dhe aplikacioneve, përfshirë kanalet online të BKT, shërbimin e ATM, infrastrukturën e rrjetit dhe performancën e serverëve, si CPU, memoria dhe hapësira në disk.
- Përgjigjja pa vonesë ndaj alarmeve të sistemit, defekteve dhe emergjencave, duke i përshkallëzuar sipas nevojës.
- Bashkërendimi i punës dhe shkëmbimi i informacionit me pjesëtarët e tjerë të ekipit për trajtimin e problemeve operacionale.
- Dokumentimi dhe mbajtja e regjistrave për incidentet, vështirësitë në performancën e sistemit dhe veprimet apo ndërhyrjet e realizuara.
- Zbatimi i kontrolleve të rregullta në platformat e monitorimit.
- Respektimi i procedurave standarde të punës dhe protokolleve të sigurisë.
- Kalimi i rregullt i detyrave nga një turn te tjetri dhe njoftimi i kolegëve të turnit pasues për problemet ende të pazgjidhura.
- Kontributi në zgjidhjen e problemeve dhe mbështetja e ekipit të menaxhimit të shërbimeve kur kërkohet.
Kriteret e kualifikimit
- Të jetë student në shkenca kompjuterike, inxhinieri kompjuterike dhe teknologji të informacionit, ose në një disiplinë të përafërt.
- Të zotërojë aftësi të mira në përdorimin e kompjuterit dhe interes të vërtetë për monitorimin, rrjetet dhe funksionimin e sistemeve të IT.
- Të tregojë kujdes për hollësitë dhe aftësi të mira në kuptimin dhe vlerësimin e situatave.