Ky rol ka për qëllim të gjejë, zhvillojë dhe administrojë lidhjet me klientë individualë dhe biznese, me theks të veçantë te segmenti Mikro dhe SME. Pozita mban përgjegjësi për afrimin e klientëve të rinj, aktivizimin e merchantëve, zgjerimin e portofolit dhe ruajtjen e klientëve ekzistues, duke kontribuar në rritjen e përdorimit të zgjidhjeve digjitale të pagesave dhe të portofolit elektronik epara.

Detyrat

Të gjejë dhe të afrojë klientë të rinj individualë, Mikro dhe SME.

Të krijojë mundësi të reja biznesi përmes aktiviteteve të shitjes, referencave, partneriteteve dhe rrjetit profesional.

Të paraqesë dhe të promovojë produktet dhe shërbimet e epara në përputhje me nevojat e klientëve.

Të ndërtojë dhe të ruajë marrëdhënie afatgjata me klientët, duke shërbyer si pika kryesore e kontaktit për portofolin e caktuar.

Të ndihmojë në procesin e onboarding, aktivizimit dhe angazhimit të merchantëve dhe klientëve biznes.

Të dallojë mundësi për shtimin e aktivitetit të klientëve, rritjen e volumit të transaksioneve dhe përdorimin më të gjerë të produkteve.

Të realizojë takime me klientë, prezantime të produkteve, trajnime dhe vizita të rregullta.

Të komunikojë me klientët në mënyrë profesionale përmes telefonatave, emailit, kanaleve digjitale dhe takimeve të drejtpërdrejta.

Të garantojë nivel të lartë të kënaqësisë së klientëve përmes mbështetjes proaktive dhe administrimit efektiv të marrëdhënieve.

Të mbajë përgjegjësi të plotë për detyrat dhe proceset e ngarkuara, duke siguruar ndjekje dhe zgjidhje brenda afateve.

Të veprojë në mënyrë të pavarur, por edhe në bashkëpunim me ekipet e tjera për përmbushjen e objektivave të biznesit.

Kualifikimet

Të ketë diplomë universitare në Biznes, Financë, Ekonomi, Marketing ose fusha të përafërta.

Të ketë të paktën 3-5 vite përvojë në fintech, pagesa, bankë, mikrofinancë ose në role komerciale me kontakt të drejtpërdrejtë me klientin.

Të dëshmojë përvojë në sigurimin e klientëve të rinj, menaxhimin e marrëdhënieve dhe zhvillimin e portofolit.

Të zotërojë njohuri të mira për pagesat digjitale, shërbimet për merchantët dhe zgjidhjet financiare.

Të ketë aftësi shumë të mira në komunikim, negocim dhe krijim marrëdhëniesh.

Të posedojë aftësi të forta ndërpersonale dhe orientim të lartë ndaj klientit.

Të jetë i/e aftë të marrë përgjegjësi, të menaxhojë procese në mënyrë të pavarur dhe të organizojë disa prioritete njëkohësisht.

Të ketë aftësi të mira në shitje, zhvillim biznesi dhe zgjidhje problemesh.

Të ketë njohuri në Microsoft Office dhe në përdorimin e sistemeve CRM.

Të ketë njohuri të avancuara të gjuhës angleze.