Inxhinier Mekanik Palase/Himare
Ndertimtari & InxhinieriHimarë, Dhërmi2 javë më parëFull Time
Përshkrimi
Roli i Inxhinierit Mekanik përfshin hartimin, mbikëqyrjen dhe zbatimin e sistemeve mekanike në objekt, duke përfshirë HVAC (ngrohje, ventilim dhe ajër të kondicionuar), instalimet hidraulike dhe sisteme të tjera teknike. Pozicioni kujdeset që çdo instalim të realizohet në përputhje me projektin, standardet teknike dhe kërkesat funksionale të objektit.
Detyrat
- Shqyrton nëse vizatimet MEP përputhen me projektin arkitektonik dhe atë strukturor, duke verifikuar kalimet e tubacioneve dhe kanaleve, hapjet, lartësitë e tavaneve dhe koordinimin me elementet strukturore.
- Kontrollon në kantier që instalimet mekanike, përfshirë HVAC, tubacionet dhe pajisjet, të zbatohen sipas projektit dhe të mos krijojnë mospërputhje me strukturën apo arkitekturën, duke bashkërenduar çdo ndryshim të nevojshëm me disiplinat përkatëse.
- Mbikëqyr procesin e instalimit të sistemeve mekanike në terren.
- Garantion zbatimin e saktë të projekteve mekanike.
- Bashkëpunon me inxhinierët e fushave të tjera dhe me ekipet që punojnë në kantier.
- Verifikon cilësinë e materialeve dhe të instalimeve të kryera.
- Monitoron ecurinë e punimeve dhe respektimin e afateve të përcaktuara.
- Dallon dhe adreson çështjet teknike që shfaqen gjatë fazës së zbatimit.
- Merr pjesë në testim dhe në vënien në funksion të sistemeve.
Kualifikimet
- Diplomë në Inxhinieri Mekanike.
- Njohuri mbi sistemet HVAC, instalimet hidraulike dhe instalimet teknike.
- Aftësi për të lexuar dhe interpretuar projektet mekanike.
- Njohuri në programe teknike si AutoCAD ose programe të ngjashme.
- Aftësi të mira organizative dhe komunikuese.
- Përvojë pune jo më pak se 3 vite.