Menaxher Rajonal
Biznes & MenaxhimTiranë6 ditë më parëFull Time
Përshkrimi i rolit
E themeluar në vitin 2004, Log In Albania Sh.P.K ushtron prej vitesh veprimtarinë e saj në disa sektorë të rëndësishëm shërbimesh në Shqipëri dhe në rajon. Kompania mbështetet në një përvojë mbi 20-vjeçare dhe në një organizim operacional të konsoliduar. Ajo është partnere zyrtare e Vodafone Albania për administrimin e disa dyqaneve Vodafone, ofron makina me qira nëpërmjet franchise-it ndërkombëtar Surprice Cars, duke zotëruar të drejtën ekskluzive të përdorimit dhe zhvillimit të këtij brandi në tregun e Ballkanit, dhe kryen shërbime doganore në të gjithë Shqipërinë.
Roli i ofruar është Menaxher Rajonal.
Roli bën pjesë në Departamenti i Makinave me Qira.
Vendi i ushtrimit të detyrës është Tiranë, Hotel Rogner.
Përmbledhje e rolit:
Menaxheri Rajonal – Car Rental do të drejtojë dhe administrojë në tërësi veprimtarinë Car Rental në Shqipëri, Kosovë dhe Mal të Zi. Ai do të sigurojë rezultatet operacionale dhe komerciale, drejtimin efikas të ekipeve, përdorimin optimal të flotës, përmirësimin e rentabilitetit dhe standardin e shërbimit ndaj klientit. Roli kërkon marrjen e vendimeve për funksionimin e përditshëm të biznesit, bashkërendimin e departamenteve dhe gjetjen e mundësive për zhvillim e zgjerim, me raportim të drejtpërdrejtë te Administratori i Shoqërisë.
Përgjegjësitë kryesore
- Të mbajë përgjegjësi të plotë për administrimin dhe rezultatet e biznesit të makinave me qira (Car Rental) në secilin prej tregjeve ku operon kompania.
- Të udhëheqë, zhvillojë dhe vlerësojë menaxherët lokalë dhe drejtuesit e departamenteve të Operacioneve, Flotës, Çmimeve, Mirëmbajtjes, Shitjeve dhe Shërbimit ndaj Klientit, duke siguruar llogaridhënien e tyre për rezultatet.
- Të administrojë dhe ndjekë treguesit kryesorë të performancës (KPI): të ardhurat, rentabilitetin, përdorimin e flotës, tarifën mesatare të qirasë, koston për automjet, kënaqësinë e klientëve dhe eficiencën operacionale.
- Të mbikëqyrë planifikimin dhe ndarjen e flotës, përdorimin e automjeteve, ciklet e zëvendësimit të tyre, periudhat kur ato mbeten jashtë përdorimit dhe kapacitetet e nevojshme sipas sezonit.
- Të përcaktojë drejtimin e strategjisë së çmimeve dhe të menaxhimit të të ardhurave (Revenue Management), duke marrë parasysh kërkesën, konkurrencën, ecurinë e rezervimeve dhe gjendjen e tregut.
- Të ndjekë përvojën e plotë të klientit, standardin e shërbimit, ankesat dhe vlerësimet në internet, duke siguruar ndërhyrje korrigjuese në kohën e duhur.
- Të mbajë nën kontroll shpenzimet operacionale dhe të gjejë mundësi për përmirësimin e rentabilitetit dhe produktivitetit.
- Të shqyrtojë rezultatet e tregjeve, veprimtarinë e konkurrentëve, kanalet e shitjes dhe mundësitë e reja tregtare.
- Të sigurojë bashkërendim dhe bashkëpunim të efektshëm mes departamenteve të Operacioneve, Flotës, Mirëmbajtjes, Çmimeve, Shitjeve, Financës dhe Marketingut.