Përshkrimi

ECFA Sh.a është një institucion financiar mikrokredie që operon në treg me fokus te kreditë konsumatore pa kolateral për individë. Veprimtaria e saj mbështetet në ofrimin e një shërbimi të shpejtë dhe një procesi huamarrjeje praktik, duke ruajtur njëkohësisht sigurinë dhe komoditetin e konsumatorit.

Stafi i kompanisë përfshin profesionistë të fushës së financës, IT-së dhe shërbimit ndaj klientit, secili me ekspertizë në profilin përkatës. Si rezultat i zgjerimit gjeografik, institucioni po kërkon kandidatë për rolin e Specialist i Rekuperimit të Kredive në Vonesë.

Detyrat

• Komunikon me etikë dhe profesionalizëm me klientët që kanë vonesa në shlyerjen e kredisë, duke përdorur kanalet e komunikimit të vëna në dispozicion nga kompania, si telefoni, SMS, e-mail-i dhe rrjetet sociale, me synimin për rikthimin e tyre në kushte standarde.
• Vlerëson kapacitetin pagues të klientëve dhe negocion me ta një plan të ri pagesash ose propozon ristrukturimin e kredisë.
• Pas arritjes së një marrëveshjeje për pagesë, ndjek ecurinë e pagesave për të verifikuar që klienti po i përmbahet kushteve të dakordësuara.
• Përditëson statusin e klientit në sistemin e administrimit të kredive pas çdo komunikimi të zhvilluar me të.
• Regjistron me përgjegjësi çdo informacion të marrë nga klientët në profilin e tyre brenda sistemit të administrimit të kredive.
• Njofton klientin për vlerën e detyrimit të prapambetur, duke i sqaruar arsyet për secilin element përbërës të këstit të kredisë, si edhe duke i paraqitur mundësitë për uljen e ditëve në vonesë.
• I propozon supervizorit faljen e penaliteteve ose komisioneve sipas fushatave të ndryshme dhe verifikon që klienti ka kryer pagesën përkatëse dhe që kredia ka marrë statusin e duhur.
• Mbështet kolegët dhe bashkërendon me ta aktivitetet operacionale për të ofruar një shërbim sa më profesional ndaj klientëve.
• Menaxhon pyetjet dhe ankesat e klientëve, si edhe shqyrton çdo pretendim të tyre lidhur me vlerat e detyrimeve të vonuara.
• Ushtron detyrën në përputhje me ligjin dhe rregullat që lidhen me mbledhjen e borxheve, duke respektuar të drejtat e konsumatorëve gjatë procesit të debt collection.
• Kryen edhe angazhime të tjera sipas kërkesës së supervizorit, me qëllim përmbushjen e objektivave të departamentit.

Kualifikimet

• Diplomë Universitare
• Aftësi shumë të mira organizative dhe aftësi për të punuar në mënyrë të pavarur gjatë realizimit të detyrave.
• Aftësi shumë të mira në menaxhimin e të dhënave.
• Aftësi të provuara për të administruar me efikasitet disa prioritete njëkohësisht.
• Aftësi shumë të mira komunikimi në formë të shkruar, verbale dhe jo verbale.
• Aftësi të shkëlqyera për bashkëpunim në grup.
• Aftësi shumë të mira në përdorimin e kompjuterit.

Benefitet

Institucioni ECFA Sh.a, përveç pagës për secilin pozicion pune, ofron edhe përfitime të tjera, si më poshtë:

• Për nivelin Specialist ofrohet Paga + Bonus + Paketa e Sigurimit Shendetesor Privat
• Trajnime zhvillimi per aftësitë profesionale dhe ndërpersonale
• Aktivitete dhe organizime të ndryshme kulturore, sportive dhe argëtuese