Përshkrimi

ECFA Sh.a është një institucion financiar i mikrokredisë që ka nisur aktivitetin në treg me synimin për t’u ofruar individëve kredi konsumatore pa kolateral, përmes një shërbimi të shpejtë dhe një procesi huamarrjeje të thjeshtuar, duke ruajtur njëkohësisht sigurinë dhe komoditetin e klientëve.

Skuadra përbëhet nga profesionistë të fushës së financës, IT dhe shërbimit ndaj klientit, me ekspertizë në profilet përkatëse. Kompania po kërkon kandidatë për rolin e pozicionit Analist Kredie, _Zonen Shkoder, Lezhe, Lac _

Detyrat

Përgjegjësitë dhe detyrat kryesore

• Shqyrton kërkesat për kredi dhe dokumentet mbështetëse të klientëve individualë dhe të bizneseve.
• Realizon analizë financiare për individët duke vlerësuar të ardhurat, shpenzimet, detyrimet ekzistuese dhe kapacitetin për shlyerje.
• Zhvillon analizë financiare për bizneset duke interpretuar pasqyrat financiare, qarkullimin bankar, cash-flow, fitimin neto dhe tregues të tjerë financiarë.
• Vlerëson stabilitetin financiar të klientit dhe mundësinë e tij për të përmbushur detyrimet ndaj kredisë.
• Shqyrton historikun e kreditimit dhe evidenton rrezikun e mundshëm të mospagesës.
• Kontrollon saktësinë dhe vlefshmërinë e dokumentacionit financiar dhe ligjor.
• Harton raporte analitike dhe jep rekomandime për miratimin ose refuzimin e kërkesave për kredi.
• Kryen vlerësimin e kolateralit dhe siguron që garancitë të përputhen me kërkesat e institucionit.
• Mbikëqyr portofolin aktual të kredive dhe identifikon klientët që paraqesin rrezik të lartë.
• Punon ngushtë me ekipet e shitjes, riskut, juridikut dhe operacioneve për trajtimin e aplikimeve.
• Garantonte zbatimin e politikave të brendshme, procedurave operative dhe kërkesave rregullatore.
• Mban komunikim profesional me klientët për sqarime, dokumente shtesë dhe ecurinë e procesit të aplikimit.

Analiza financiare

• Shqyrton pasqyrat financiare të biznesit, duke përfshirë bilancin, pasqyrën e të ardhurave dhe cash-flow.
• Llogarit dhe interpreton tregues financiarë si likuiditeti, rentabiliteti, niveli i borxhit dhe aftësia paguese.
• Vlerëson qëndrueshmërinë financiare dhe performancën ekonomike të biznesit në periudha të ndryshme.
• Analizon burimet e të ardhurave dhe stabilitetin e tyre si për individët, ashtu edhe për bizneset.
• Përgatit projeksione financiare dhe simulime të pagesave të kredisë kur kjo kërkohet.
• Evidenton faktorët kryesorë të rrezikut dhe sugjeron masa për uljen e tyre.

Kualifikimet

Kërkesat kryesore

• Diplomë universitare në Financë, Ekonomik, Bankë ose në fusha të ngjashme.
• Përvoja në analizë kredie, financë ose në sektorin bankar konsiderohet përparësi.
• Njohuri të mira në analizën financiare dhe vlerësimin e riskut kreditor.
• Aftësi të avancuara në përdorimin e Microsoft Excel dhe programeve financiare.
• Mendim analitik dhe kujdes i lartë ndaj detajeve.
• Aftësi të mira komunikimi, organizimi dhe bashkëpunimi në grup.
• Integritet, ruajtje e konfidencialitetit dhe nivel i lartë profesionalizmi.

Shënime

Benefitet

ECFA Sh.a synon të ndërtojë një mjedis të veçantë pune.

Përveç pagës për secilin pozicion, kompania ofron edhe përfitime të tjera, si më poshtë:

• Për nivelin Specialist ofrohet Paga + Paketa e Sigurimit Shendetësor Privat
• Trajnime zhvillimi per aftësitë profesionale dhe ndërpersonale
• Aktivitete dhe organizime të ndryshme kulturore, sportive dhe argëtuese