Përshkrimi

ECFA Sh.a është një institucion financiar i mikrokredisë që ka nisur aktivitetin në treg me fokus në ofrimin e kredive konsumatore pa kolateral për individë, përmes një shërbimi të shpejtë dhe një procesi huamarrjeje të lehtësuar, duke ruajtur njëkohësisht sigurinë dhe komoditetin e klientëve.

Stafi ynë përbëhet nga profesionistë të fushave të financës, IT dhe shërbimit ndaj klientit, me ekspertizë në profilet e tyre përkatëse. Aktualisht kërkohet një profesionist për rolin e Analist Kredie.

Detyrat

Detyrat dhe përgjegjësitë kryesore

• Shqyrton kërkesat për kredi dhe dokumentacionin mbështetës të klientëve individë dhe bizneseve.
• Realizon vlerësim financiar për individët duke analizuar të ardhurat, shpenzimet, detyrimet ekzistuese dhe kapacitetin e pagesës.
• Kryen analizë financiare për bizneset përmes interpretimit të pasqyrave financiare, qarkullimit bankar, cash-flow, fitimit neto dhe treguesve financiarë.
• Vlerëson stabilitetin financiar të klientit dhe mundësinë e tij për të shlyer detyrimet e kredisë.
• Shqyrton historikun kreditor dhe evidenton rrezikun e mundshëm të mospagesës.
• Kontrollon saktësinë dhe vlefshmërinë e dokumentacionit financiar dhe atij ligjor.
• Harton raporte analitike dhe jep rekomandime lidhur me miratimin ose refuzimin e kërkesave për kredi.
• Bën vlerësimin e kolateralit dhe siguron që garancitë të përmbushin kërkesat e institucionit.
• Ndjek portofolin aktual të kredive dhe identifikon klientët që paraqesin rrezik të lartë.
• Punon ngushtë me departamentet e shitjes, riskut, juridikut dhe operacioneve gjatë trajtimit të aplikimeve.
• Kujdeset për zbatimin e politikave të brendshme, procedurave operacionale dhe kërkesave rregullatore.
• Komunikon në mënyrë profesionale me klientët për sqarime, dokumentacion shtesë dhe ecurinë e procesit të aplikimit.

Analiza financiare

• Shqyrton pasqyrat financiare të bizneseve, duke përfshirë bilancin, pasqyrën e të ardhurave dhe cash-flow.
• Llogarit dhe interpreton tregues financiarë si likuiditeti, rentabiliteti, niveli i borxhit dhe aftësia paguese.
• Vlerëson qëndrueshmërinë financiare dhe performancën ekonomike të biznesit në periudha të ndryshme.
• Analizon burimet e të ardhurave dhe qëndrueshmërinë e tyre si për individët, ashtu edhe për bizneset.
• Përgatit projeksione financiare dhe simulime për pagesat e kredisë kur kjo kërkohet.

Kualifikimet

Kërkesat kryesore

• Diplomë universitare në Financë, Ekonomik, Bankë ose fusha të përafërta.
• Përvoja në analizë kredie, financë ose në sektorin bankar konsiderohet avantazh.
• Njohuri të mira në analizën financiare dhe vlerësimin e riskut kreditor.
• Aftësi të avancuara në përdorimin e Microsoft Excel dhe programeve financiare.
• Shkathtësi të forta analitike dhe vëmendje e madhe ndaj hollësive.
• Aftësi të mira në komunikim, organizim dhe bashkëpunim në ekip.
• Integritet, ruajtje e konfidencialitetit dhe nivel i lartë profesionalizmi.

Shënime

Benefitet

ECFA Sh.a synon të ndërtojë një mjedis pune të veçantë dhe ofron përfitime shtesë krahas pagës për këtë pozitë.

Për nivelin Specialist ofrohet Paga + Paketa e Sigurimit Shendetësor Privat

• Trajnime zhvillimi për aftësitë profesionale dhe ndërpersonale
• Aktivitete dhe organizime të ndryshme kulturore, sportive dhe argëtuese