Juriste
Ligj & JuridikTiranë1 javë më parëFull Time
Përshkrimi
Klimateknika TB2 sh.p.k është një kompani e njohur në treg që vepron në sektorin e sistemeve HVAC. Veprimtaria e saj përfshin projektimin, zbatimin dhe mirëmbajtjen e sistemeve të ngrohjes, ventilimit, ajrit të kondicionuar dhe sistemeve solare termale, si për përdorim civil ashtu edhe industrial, në përputhje me standardet shqiptare dhe europiane për efiçencën e energjisë. Falë përdorimit të teknologjisë bashkëkohore dhe një ekipi teknikësh e inxhinierësh me përvojë, kompania ofron shërbimet e saj jo vetëm në tregun shqiptar, por edhe më gjerë.
Kompania është në kërkim të një JURISTE.
Detyrat
- Ofron interpretim të legjislacionit dhe këshillim juridik sipas nevojave të kompanisë.
- Harton dhe rishikon dokumentacionin me natyrë juridike.
- Mbikëqyr dhe administron publikimet e prokurimeve që lidhen me procedurat në fushën e aktivitetit të kompanisë.
- Përgatit dhe përditëson politikat, procedurat dhe aktet e brendshme të shoqërisë.
- Kujdeset që veprimtaria e kompanisë të zhvillohet në përputhje me legjislacionin në fuqi dhe aktet nënligjore përkatëse.
- Përmbush edhe përgjegjësi të tjera që lidhen me funksionin, sipas kërkesave të menaxhmentit.
Kualifikimet
- Duhet të ketë përfunduar Fakultetin Juridik dhe të zotërojë Diplomë Master.
- Kërkohet përvojë e mëparshme në këtë profil.
- Duhet të ketë njohuri shumë të mira për ligjin mbi Shoqëritë Tregtare.
- Duhet të njohë ligjin për Prokurimet Publike.
- Kërkohen njohuri mbi Kodin Civil dhe Procedurën Civile.
- Duhet të jetë e aftë të menaxhojë disa projekte njëkohësisht edhe kur afatet janë të ngushta.
- Kërkohet përkushtim në ndjekjen dhe përmbylljen e detyrave.
Ofrohet
- Pagë konkurruese
- Mjedis pune dinamik
- Mundësi për zhvillim dhe promovim brenda kompanisë ose grupit
- Transport i garantuar nga kompania