Head of Marketing & Content Creator
Marketing, Media & KomunikimTiranë3 javë më parëFull Time
Përshkrimi
Klimateknika TB2 sh.p.k. është një kompani udhëheqëse në tregun e sistemeve HVAC. Veprimtaria e saj përfshin projektimin, zbatimin dhe mirëmbajtjen e sistemeve të ngrohjes, ventilimit, ajrit të kondicionuar dhe sistemeve solare termale, si për përdorim civil ashtu edhe industrial, në përputhje me standardet shqiptare dhe europiane të eficiencës së energjisë. Me mbështetje në teknologji të avancuar dhe në një ekip teknikësh dhe inxhinierësh me përvojë, kompania ofron shërbime jo vetëm në tregun shqiptar, por edhe më gjerë.
Kompania po kërkon një HEAD OF MARKETING & CONTENT CREATOR (F/M), i cili do të marrë përsipër hartimin e strategjisë afatgjatë të marketingut, optimizimin e ROI-së përmes menaxhimit të buxhetit të marketingut, zhvillimin dhe mbikëqyrjen e fushatave sipas nevojave të tregut, analizimin e konkurrencës, bashkëpunimin me departamente të tjera dhe partnerë të jashtëm, si edhe organizimin e eventeve dhe aktiviteteve promovuese.
Detyrat
- Hartimi i strategjisë së marketingut.
- Administrimi i buxhetit të marketingut.
- Konceptimi dhe zbatimi i fushatave të marketingut.
- Përditësimi dhe zhvillimi i website dhe social media.
- Organizimi dhe planifikimi i eventeve të profilit.
- Kryerja e kërkimeve të tregut dhe analizave të konkurrencës.
- Përgatitja dhe realizimi i kalendarit editorial mujor për rrjetet sociale.
- Mbikëqyrja dhe vlerësimi i performancës së postimeve, me propozime për përmirësim bazuar në rezultatet si reach, engagement, CTR, etj.
- Ndjekja e trendeve të reja kreative, përfshirë memes, reels, challenges dhe formate virale, me qëllim rritjen e ndërveprimit.
- Bashkërendimi i punës me partnerë të huaj dhe të brendshëm.
Kualifikimet
- Të paktën 2 vite eksperiencë të mëparshme në nivel Senior, në rol drejtues dhe koordinues departamenti.
- Njohuri të thelluara për platformat kryesore të rrjeteve sociale dhe mënyrën si funksionojnë algoritmet e tyre.
- Aftësi shumë të mira në shkrim kreativ dhe storytelling.
- Njohuri bazë në dizajn grafik dhe editim foto/video, si p.sh. Photoshop, Canva, Premiere Pro, CapCut etj.
- Kreativitet i lartë dhe aftësi për të sjellë ide të reja e origjinale.
- Njohuri themelore mbi analizën e të dhënave dhe metrikave të rrjeteve sociale.
- Aftësi për bashkëpunim në ekip, fleksibilitet dhe respektim të afateve.