Shitëse-Mango TEG
ShitjeTiranë3 javë më parëFull Time
Përshkrimi
Fashion Group Albania, e cila është pjesë e Albi Group që prej Gusht 2025, ishte shoqëria e parë e shitjes me pakicë në sektorin e modës që prezantoi në Shqipëri konceptin e menaxhimit Franchisee. Duke synuar standarde të reja në tregun e modës dhe veshjeve, si edhe në shërbimin ndaj klientit, kompania ka transformuar tregun shqiptar përmes markave të njohura ndërkombëtare dhe alternativave cilësore të produkteve. Fashion Group Albania zhvillon aktivitetin në qendrat kryesore tregtare, përfshirë Tirana East Gate (TEG) dhe Qendra Tregtare Univers (QTU). Portofoli i saj përbëhet nga 10 marka të njohura, mes të cilave Mango, Geox, Parfois, Prenatal, Okaidi, Carpisa, Cortefiel, Springfield, Women Secret, Aldo dhe Tom Tailor. Aktualisht, kompania ushtron veprimtarinë në 17 dyqane fizike dhe ofron gjithashtu një përvojë blerjeje në platformën e saj online.
Albi Group u krijua mbi 30 vjet më parë nga familja Humolli në Prishtine, Kosove. Nga një sipërmarrje e vogël familjare, grupi është zgjeruar në një operator të rëndësishëm në shitjen me pakicë, pasuritë e paluajtshme, shpërndarjen e mallrave të konsumit të shpejtë (FMCG), shërbimet ushqimore dhe mikpritjen.
Albi Group punon për një të ardhme më të mirë të komunitetit, duke vendosur në qendër kënaqësinë e klientit, përgjegjësinë sociale dhe qëndrueshmërinë mjedisore.
Roli: Shites/e
Njësia e punës: Mango TEG
Vendi i punës: TEG - Tirana East Gate
Përmbledhje e rolit:
Fashion Group Albania kërkon të rinj të talentuar që e pëlqejnë një mjedis dinamik, për t’u bërë pjesë e ekipit në dyqanin Mango TEG, brenda qendrës tregtare TEG. Personi që do të përzgjidhet do të ofrojë shërbim ndaj klientit dhe do të kujdeset që ambienti të jetë i rregullt dhe mikpritës.
Përgjegjësitë
- Ofron shërbim ndaj klientit, duke u kujdesur për përmbushjen e çdo kërkese të tij.
- Përmbush objektivat që kompania ka vendosur për shitjen e produkteve.
- Siguron hapjen në kohën e duhur të koleksioneve të reja.
- Verifikon përditë artikujt dhe zëvendëson masat e tyre.
- Ndihmon në reklamimin e produkteve brenda dyqanit, në përputhje me udhëzimet e markës.
Kërkesat për kandidatin
- Të ketë përfunduar arsimin e mesëm.
- Të tregojë iniciativë dhe të bashkëpunojë në ekip.
- Të zotërojë aftësi shumë të mira në komunikim.
- Njohja e gjuhëve të huaja vlerësohet si përparësi.
- Përvoja në shitje pranë kompanive me veprimtari të ngjashme konsiderohet përparësi.
Dokumentet e kërkuara
- CV.