Praktikant/e në Departamentin e Trajnimeve

Vendi i punës: Cacttus Education – Prishtinë
Kohëzgjatja: 6 muaj (me mundësi vazhdimi / punësimi)

Funksioni:
CACTTUS Education shpall konkurs për angazhimin e një praktikanti/e në Departamentin e Trajnimeve. Praktikanti/ja do të mbështesë ekipin në organizimin, koordinimin dhe realizimin e programeve trajnuese, duke kontribuar në mbarëvajtjen e aktiviteteve ditore. Ky rol ofron mundësi për zhvillim profesional në një mjedis bashkëpunues dhe është i përshtatshëm për studentë dhe të sapodiplomuar që dëshirojnë të fitojnë përvojë praktike në fushën e edukimit dhe menaxhimit të trajnimeve.

Detyrat dhe përgjegjësitë:

• Asiston në organizimin dhe koordinimin e trajnimeve dhe grupeve trajnuese;
• Mbështet procesin e regjistrimit të pjesëmarrësve dhe menaxhimin e të dhënave;
• Ndihmon në përgatitjen dhe shpërndarjen e materialeve të trajnimit;
• Asiston gjatë mbajtjes së trajnimeve për të siguruar mbarëvajtjen e tyre;
• Komunikon me pjesëmarrësit për informata rreth orareve dhe aktiviteteve;
• Mbështet ekipin në hulumtime të thjeshta për trendët në treg dhe programe të reja;
• Ndihmon në organizimin e eventeve, workshopeve dhe aktiviteteve të ndryshme;
• Kryen detyra të tjera administrative sipas nevojës së departamentit.

Kualifikimet dhe kërkesat:

• Student/e ose i/e diplomuar në Teknologji Informacioni, Edukim, Menaxhim, Ekonomi ose fusha të ngjashme;
• Aftësi shumë të mira komunikimi dhe bashkëpunimi, si dhe aftësi për të punuar në ekip;
• Aftësi organizative dhe vëmendje ndaj detajeve;
• Njohuri në përdorimin e MS Office (Word, Excel, PowerPoint);
• Interes për edukim, trajnime dhe zhvillim profesional;
• Njohja e gjuhës angleze është e domosdoshme.

Dokumentet e kërkuara:

• CV

Afati i aplikimit: 22.05.2026

Vetëm kandidatët e përzgjedhur do të kontaktohen.