Kjo shpallje ka skaduar dhe nuk pranon më aplikime.
Menaxher i Marrëdhënieve me Klientët Biznes- Berat
Finance, Banke & KontabilitetBerat1 muaj më parëFull Time
Përshkrimi
Union Bank vepron me sukses në tregun bankar shqiptar prej 20 vitesh dhe është e pozicionuar si një institucion i qëndrueshëm, i besueshëm dhe me rezultate shumë të mira. Banka shërben mbi 130,000 klientë përmes një rrjeti prej 33 degësh dhe 72 ATM-sh të vendosura në qytetet kryesore të vendit. Që nga nisja e aktivitetit në vitin 2006, ajo ka vijuar të zgjerohet dhe aktualisht ka mbi 100 miliard lekë asete totale.
Mjedisi i punës mbështetet te diversiteti, përfshirja dhe mundësitë e barabarta për zhvillim, duke e konsideruar secilin punonjës si pjesë të rëndësishme të arritjeve të bankës. Union Bank vazhdon të investojë në formimin dhe ngritjen profesionale të stafit, me synimin që klientëve t’u ofrohet një përvojë bankare sa më cilësore.
Banka vlerëson profesionistë të kualifikuar, besnikë dhe të përkushtuar dhe është në kërkim të një kandidati të përshtatshëm për t’iu bashkuar ekipit në rolin Menaxher i Marrëdhënieve me Klientët Biznes- Berat.
Qëllimi i përgjithshëm i punës:
Ky rol ka për qëllim përmbushjen e objektivave të biznesit përmes menaxhimit dhe zgjerimit të një portofoli cilësor klientësh biznesi. Pozicioni kërkon vlerësimin e plotë të klientit për të ndërtuar një bashkëpunim afatgjatë me bankën si partner financiar, duke synuar që të gjitha nevojat financiare të adresohen te Union Bank si zgjedhja kryesore. Gjithashtu, roli përfshin këshillimin e klientëve dhe ofrimin e zgjidhjeve bankare të përshtatshme, me shërbim të shpejtë dhe profesional.
Detyrat
- Duhet të njohë në thellësi klientët e biznesit që bën pjesë në portofolin e tij/saj dhe të sigurojë që të jetë kontakti kryesor i tyre për zgjidhje financiare.
- Ka përgjegjësi të identifikojë dhe të tërheqë klientë të rinj për bankën, si në mënyrë të pavarur ashtu edhe në bashkëpunim me drejtorin rajonal dhe drejtorin e degës.
- Duhet të kuptojë nevojat e klientëve dhe të ndërtojë me ta marrëdhënie afatgjata, duke ofruar një paketë të plotë shërbimesh bankare, si e-banking, transferta, paga etj, me qëllim forcimin e lidhjes së tyre me bankën dhe gjetjen e zgjidhjes më të përshtatshme e më fitimprurëse.
- Punon në mënyrë të pavarur për përzgjedhjen e klientëve, përcaktimin e targeteve dhe analizimin e gjendjes së tyre financiare, për të hartuar një propozim të qartë.
- Kryen analiza kredie për klientët që pritet të afrohen me bankën, duke siguruar cilësi dhe objektivitet maksimal, me synim uljen e riskut kreditor për bankën dhe me përgjegjësi të drejtpërdrejtë profesionale për vlerësimin e cilësisë dhe sigurisë së aplikimit për kredi.
- Duhet të rishikojë analizat kreditore të klientëve që administron të paktën një herë në vit, në mënyrë që të parandalohen vështirësi të mundshme për bankën në të ardhmen.
- Ndjek ecurinë e klientëve kredimarrës në portofolin e tij/saj dhe, kur shfaqen probleme me pagesën e kësteve ose interesave, kontribuon në gjetjen e një zgjidhjeje apo këshillimi për tejkalimin e vështirësive në shlyerje.