Magazinier/e
Transport & LogjistikeTiranë1 javë më parëFull Time
Përshkrimi
Profili i Trimed Healthcare:
Trimed Healthcare renditet ndër kompanitë kryesore në tregun farmaceutik shqiptar. Veprimtaria e saj përqendrohet në ofrimin e produkteve dhe shërbimeve me standarde të larta, me synimin për të mbështetur përmirësimin e kujdesit shëndetësor dhe për t’iu përgjigjur nevojave më komplekse të pacientëve.
Drejtimi i Trimed ndërthur përvojën vendase me atë ndërkombëtare në marketing, shpërndarje dhe gjurmueshmëri të barnave, duke siguruar nivel të lartë profesional dhe operacional në çdo fazë të aktivitetit.
Kompania mbetet e përkushtuar ndaj vendosjes së standardeve të cilësisë në sektorin farmaceutik, duke e vendosur sigurinë e pacientit në qendër të punës së saj.
E krijuar në vitin 1993, Trimed ka ndërtuar një prani të qëndrueshme dhe të suksesshme në tregun shqiptar, duke garantuar furnizim me produkte farmaceutike të sigurta, cilësore dhe të gjurmueshme, si edhe duke mundësuar akses të drejtpërdrejtë dhe efikas për farmacitë në mbarë vendin.
Pozicion vakant pune: Magazinier/e (Depo Farmaceutike)
Kompania po kërkon një Magazinier/e të rregullt dhe me ndjenjë të lartë përgjegjësie për t’iu bashkuar ekipit. Personi i përzgjedhur do të kujdeset për administrimin e proceseve të magazinimit, përgatitjen e porosive dhe ruajtjen e produkteve në përputhje me standardet e cilësisë dhe procedurat e brendshme të kompanisë.
Detyrat
- Bën ç'aktivizimin e alarmit të magazinës.
- Merr në dorëzim produktet, i sistemon dhe i ruan në magazinë.
- Kontrollon porositë e përgatitura nga punonjësit për shpërndarje.
- Verifikon saktësinë e produkteve sipas lotit, datës së skadencës dhe sasisë.
- Realizon kontrolle periodike të stokut.
- Evidenton dhe raporton produktet e dëmtuara ose mospërputhjet e vërejtura.
- Organizon dhe mirëmban procesin e pastërtisë në ambientet e magazinës.
- Zbaton procedurat e sigurisë, të cilësisë dhe standardet farmaceutike.
- Bashkëpunon ngushtë me departamentet e Logjistikës dhe të Sigurimit të Cilësisë.
Kualifikimet
- Përfundimi i arsimit të mesëm ose të lartë përbën avantazh.
- Përvoja e mëparshme në magazinë ose në logjistikë vlerësohet pozitivisht.
- Kërkohen aftësi të mira organizimi dhe kujdes i lartë ndaj hollësive.
- Nevojiten aftësi shumë të mira komunikimi, punë në grup dhe menaxhim i punës nën presion.
- Kandidati/ja duhet të tregojë përgjegjshmëri, korrektësi dhe integritet profesional.
- Njohuritë bazë të kompjuterit përbëjnë avantazh.
Çfarë ofrojmë?
- Ofron kushte shumë të mira pune.
- Siguron një mjedis pune dinamik.
- Mundëson punë në një skuadër energjike.