Këshilltar/e Shitjeje (Sales Consultant)
ShitjeTiranë2 javë më parëFull Time
Përshkrimi
Top Standart po zgjeron ekipin dhe është në kërkim të një Këshilltari/e Shitjeje (Sales Consultant) për showroom-et e saj në Tiranë. Kompania operon si një nga emrat kryesorë në tregun e hidrosanitareve premium dhe përfaqëson marka prestigjioze Made in Italy.
Detyrat
- Pret klientët në showroom dhe i udhëzon gjatë përzgjedhjes së produkteve.
- Shpjegon veçoritë e produkteve dhe sugjeron alternativat që i përshtaten më mirë kërkesave të klientëve.
- Harton ofertat dhe ndjek ecurinë e procesit të shitjes.
- Punon në koordinim me arkitektë, hidraulikë dhe partnerët e kompanisë.
- Siguron që klienti të marrë një shërbim profesional dhe me standard të lartë.
Kualifikimet
- Përvojë e mëparshme në shitje ose në shërbim ndaj klientit.
- Shkathtësi shumë të mira në komunikim dhe prezantim.
- Aftësi për të kuptuar kërkesat e klientit dhe për ta orientuar drejt zgjidhjes më të përshtatshme.
- Njohuri të mira në përdorimin e kompjuterit, veçanërisht në MS Office.
- Njohja e gjuhës angleze ose italiane konsiderohet përparësi.
- Përvoja në fushën e arredimit, mobiljeve, materialeve të ndërtimit ose produkteve premium vlerësohet si avantazh.
Ne ofrojmë:
- Angazhim afatgjatë në një kompani me histori dhe reputacion të konsoliduar.
- Trajnim të dedikuar për produktet dhe markat që kompania përfaqëson.
- Mjedis profesional pune dhe hapësira për zhvillim.
- Pagë konkurruese dhe bonus në bazë të performancës.