Prodhim & IndustriPrishtinë2 javë më parëFull Time
Termokos — ngrohja e qytetit
Nr. 1916, datë 23.10.26
Kryeshefi Ekzekutiv i N.P. “Termokos” Sh.A në Prishtinë, më 23.10.2026, shpall këtë konkurs duke u mbështetur në Nenin 8 të Ligjit të Punës (Ligji nr. 03/L-212), Udhëzimin Administrativ MFPT Nr. 01/2024 për rregullimin e procedurave të konkursit në sektorin publik, nenin 3 pika 1.3, nenin 5, nenet 7 dhe 8, nenin 12 dhe nenin 13 pika 3, si dhe në rregulloren për organizimin dhe sistematizimin e brendshëm të vendeve të punës nr. 2852 dt. 10.12.2025.
Konkurs i jashtëm për plotësimin e vendeve të lira të punës
Për pozitën Sald ues Elektrik kërkohen dy (2) punonjës.
Mbikëqyrja e drejtpërdrejtë bëhet nga Udhëheqësit të njësisë.
Punësimi bëhet me kontratë në afat të caktuar.
Paga për një muaj është 808.64 euro.
Detyrat kryesore dhe përgjegjësitë
- Merr përsipër të gjitha punët dhe veprimtaritë që lidhen me saldimin me hark elektrik në të gjitha instalimet e sistemit të ngrohjes.
- Punon së bashku me grupin e njësisë për t’i përfunduar detyrat e caktuara në mënyrë profesionale dhe brenda një afati sa më të shkurtër.
- Kujdeset për aftësimin e vet profesional dhe për përdorimin e metodave më të avancuara në punë.
- Ndërhyn për të eliminuar defektet në instalimet e nxemjes në kohën më të shkurtër të mundshme.
- Kujdeset për ruajtjen dhe mirëmbajtjen e veglave dhe pajisjeve të punës që i janë besuar.
- Zbaton masat mbrojtëse dhe përdor mjetet e mbrojtjes në punë për të ruajtur shëndetin.
- Paraqet raporte ditore, javore dhe mujore për punën e realizuar.
- Përmbush edhe detyra të tjera që ia cakton menaxhmenti.
Përgatitja profesionale dhe kualifikimet
- Kërkohet shkollë profesionale në drejtimin Saldues Elektrik.
- Kërkohen së paku dy (2) vite përvojë pune në saldim, të vërtetuara me dokumentacionin përkatës, përfshirë kontratat e punës dhe dëshmitë nga Trusti Pensional.
- Nevojitet përvojë praktike në saldimin e gypave të çelikut dhe të elementeve metalike me trashësi të ndryshme, në pozicione të ndryshme saldimi, përfshirë ato horizontale, vertikale dhe mbi kokë. Kërkohet gjithashtu aftësi për të lexuar e interpretuar vizatimet teknike dhe për të zbatuar dimensionet e masat e përcaktuara.
- Kërkohen njohuri për përgatitjen e skajeve të gypave, përshtatjen e nyjeve dhe kryerjen e saldimeve me cilësi.
- Nevojiten njohuri për zbatimin e procedurave të punës dhe për kontrollimin vizual të cilësisë së saldimeve.
- Kandidati duhet të njohë rregullat e sigurisë dhe shëndetit në punë dhe t’i zbatojë ato gjatë saldimit.
- Kërkohet aftësi për përdorimin e saktë dhe të sigurt të pajisjeve të saldimit dhe të pajisjeve personale mbrojtëse.
- Nevojitet gatishmëri për t’iu nënshtruar një testi praktik profesional.