• Punët
• Rreth nesh
• Për punëdhënësit

Termokos — Ngrohtorja e qytetit

Dokumenti nr. 2164, i datës 05.11.2026.

Komisioni Komunal i Aksionarëve të NP “Termokos” Sh.a, Prishtinë, e shpall këtë konkurs më 05.11.2026, duke u mbështetur në nenet 16.2 dhe 17 të Ligjit për Ndërmarrjet Publike nr. 03/L-087 (GAZETA ZYRTARE E REPUBLIKËS SË KOSOVËS / PRISHTINË: VITI III/Nr. 31/15 QERSHOR 2008), me ndryshimet dhe plotësimet e Ligjit nr. 04/L-111 dhe nr. 05/L-009, në nenin 13 të Statutit të Ndërmarrjes dhe në dispozitat e tjera përkatëse në fuqi.

Konkurs për vende të lira

Në NP “Termokos” Sh.a, Prishtinë, kërkohen katër (4) anëtarë të Bordit të Drejtorëve.

Për punën e tyre, anëtarët raportojnë te Komisioni Komunal i Aksionarëve të NP “Termokos” Sh.a, Prishtinë.

Kohëzgjatja e mandatit është tri (3) vite.

Pagesa përcaktohet sipas nenit 20 të Ligjit për Ndërmarrjet Publike nr. 03/L-087 dhe ndryshimeve e plotësimeve përkatëse.

1. Kërkesat e përgjithshme

Personi që kandidon duhet të ketë integritet, të përmbushë kriteret e kualifikimit dhe të pavarësisë, si dhe të zotërojë përvojën profesionale dhe arsimimin e nevojshëm. Gjithashtu, kërkohet përmbushja e kushteve të tjera të parashikuara nga Ligji për Ndërmarrjet Publike dhe aktet e tjera përkatëse në fuqi.

2. Kriteret profesionale dhe të përshtatshmërisë

Për t’u marrë në konsideratë për pozitën e Drejtorit të Bordit, kandidati duhet të ketë të paktën pesë (5) vite përvojë, së paku në nivel të lartë menaxherial, në fushat e mëposhtme:

• Administrimin e biznesit;
• Financat e korporatave;
• Fushën e financave;
• Menaxhimin e thesarit;
• Sektorin bankar;
• Këshillimin për biznes ose industri; ose
• Një fushë tjetër shkencore apo profesionale që lidhet me veprimtarinë afariste të ndërmarrjes; ose
• Të ketë ushtruar për së paku pesë (5) vite profesionin e kontabilistit publik, të juristit të kualifikuar ose të një profesioni tjetër të kualifikuar, të lidhur ngushtë me veprimtarinë afariste të NP-së.

3. Rrethanat e papajtueshmërisë

Legjislacioni në fuqi përjashton nga ushtrimi i detyrës së drejtorit në Bordin e ndërmarrjeve publike personin që:

• a) Është dënuar nga gjykata kompetente, përveç rasteve kur dënimi ose vendimi është ndryshuar më pas nga një gjykatë tjetër pas ankesës, për vepër penale apo civile që përfshin deklarime të pavërteta, paraqitje të rreme, korrupsion, vjedhje, pastrim parash, përvetësim, keqpërdorim ose shpërndarje të paligjshme fondesh; ose është përfshirë në mitosje apo ryshfet sipas ligjeve dhe rregulloreve në fuqi në Kosovë ose në ndonjë vend tjetër, apo sipas traktateve dhe konventave ndërkombëtare;
• b) Ka qenë objekt i një vendimi nga gjykata, organi ose organizata përgjegjëse për zbatimin e kodit etik apo standardeve profesionale, përveç kur ky vendim është ndryshuar më pas nga një gjykatë ose organ tjetër pas ankesës, me të cilin është konstatuar: (i) sjellje joprofesionale; (ii) shkelje e kodit etik ose e standardeve të sjelljes profesionale; (iii) përvetësim i paligjshëm apo keqpërdorim i parave ose burimeve publike; (iv) keqpërdorim apo përvetësim i paligjshëm i informatave dhe të dhënave të marra gjatë shërbimit si zyrtar publik ose shërbyes civil; ose (v) shfrytëzim i postit publik apo i pozitës në shërbimin civil për dobi personale ose për përfitime e përparësi të një të afërmi apo të njohuri; apo
• c) Ka paraqitur të pavërteta materiale në dëshmi nën betim, në një formë tjetër betimi ose në dokument të vulosur apo të noterizuar; dhe
• d) Është shpallur i falimentuar brenda dhjetë (10) viteve të fundit;
• e) Është i punësuar në një institucion që harton politikat zhvillimore për Ndërmarrjen Publike përkatëse ku punon kandidati.

Pavarësia është kusht për secilin drejtor. Personi nuk cilësohet i pavarur dhe nuk mund të zgjidhet drejtor në një NP në rastet kur:

• a) Është aktualisht zyrtar ose menaxher i NP-së përkatëse apo i ndonjërës prej filialeve të saj, ose ka ushtruar njërën nga këto detyra në ndërmarrje apo filialet e saj gjatë pesë (5) viteve të fundit;
• b) Është aktualisht punonjës i nivelit të lartë në NP-në përkatëse, ose ka mbajtur një pozitë të tillë në të gjatë tri (3) viteve të fundit;
• c) Ka tani, ose ka pasur gjatë tri viteve të fundit, marrëdhënie materiale afariste të drejtpërdrejta apo të tërthorta me NP-në përkatëse ose me ndonjërin prej filialeve të saj, me përjashtim të marrëdhënies si konsumator individual i shërbimeve të NP-së;
• d) Mban cilësinë e aksionarit, drejtorit, zyrtarit ose punonjësit të lartë në një shoqëri tregtare apo person tjetër juridik që ka marrëdhënie materiale afariste me NP-në përkatëse ose me ndonjërin prej filialeve të saj;
• e) Merr aktualisht, ose ka marrë gjatë tri (3) viteve të fundit, pagesa shtesë nga NP-ja përkatëse apo ndonjëri prej filialeve të saj, përveç honorarit të Drejtorit ose kompensimit stimulues të përcaktuar në nenin 20.1 të ligjit primar; ose është pjesëmarrës në skemën pensionale të NP-së përkatëse apo të ndonjë filiali të saj;
• f) Ushtron drejtori të ndërsjella ose ka lidhje të rëndësishme me drejtorët e tjerë të NP-së përkatëse përmes angazhimit në shoqëri të tjera tregtare ose organe;
• g) Vepron si përfaqësues i një aksionari që zotëron dhjetë përqind (10%) të aksioneve me të drejtë vote në NP-në përkatëse;
• h) Ka qenë pjesë e Bordit të Drejtorëve të NP-së përkatëse për më shumë se nëntë (9) vite nga zgjedhja e parë; ose është i afërm i shkallës së tretë, sipas përkufizimit të “Interesit Financiar” në nenin 2 të ligjit primar, i një personi që hyn në cilëndo nga kategoritë e mësipërme, përveç kategorisë së përcaktuar në pikën (b); ose
• i) Është (i) punonjës, zyrtar, drejtor apo aksionar, ose zotëron një Interes Financiar në një shoqëri tregtare të palistuar që konkurron me Ndërmarrjen; ose (ii) është menaxher i lartë, zyrtar, drejtor apo aksionar me më shumë se dy përqind (2%) të të drejtave të votimit, ose ka një Interes të konsiderueshëm Financiar në ndonjë shoqëri tregtare të listuar që konkurron me Ndërmarrjen; dhe
• j) Është aktualisht, ose ka qenë në cilëndo kohë gjatë 36 muajve para datës së aplikimit, (i) zyrtar publik i zgjedhur, (ii) person i emëruar politikisht ose (iii) mbajtës i një pozite udhëheqëse apo vendimmarrëse në një parti politike;
• l) Ka një konflikt interesi, natyra e të cilit do ta pengonte të përmbushte rregullisht, me besnikëri, në mënyrë të pavarur dhe objektive detyrimet e veta fiduciare ndaj Aksionarëve dhe NP-së.

4. Dokumentet e kërkuara

Dokumentacioni i nevojshëm për kandidatët për anëtarë të Bordit të Drejtorëve përfshin:

• Formularin e aplikacionit;
• CV-në e kandidatit;
• Letrën e motivimit;
• Dokumentet dëshmuese të kualifikimit profesional. Diplomat/Certifikatat dhe dokumentet e ngjashme të fituara jashtë vendit duhet të jenë të nostrifikuara;
• Dokumentet që vërtetojnë përvojën e punës;
• Certifikatën që dëshmon se kandidati nuk është nën hetime, të lëshuar jo më herët se gjashtë muaj;
• Deklaratën nën betim, përmes së cilës kandidati vërteton se përmbush kushtet e kualifikimit, pavarësisë dhe përshtatshmërisë profesionale sipas paragrafëve 1-3 të nenit 17 të Ligjit për Ndërmarrjet Publike nr. 03/L-087. Deklarimet materialisht të pavërteta, të bëra me qëllim apo nga neglizhenca, si dhe ndryshimet materiale nga informacioni i deklaruar, sjellin skualifikim të menjëhershëm dhe, kur zbatohet, largimin e personit;
• Fotokopjen e letërnjoftimit;
• Listën kontrolluese.

Termokos — Ngrohtorja e qytetit

Dokumenti nr. 2164, i datës 05.11.2026.

Komisioni Komunal i Aksionarëve të NP “Termokos” Sh.a, Prishtinë, e shpall këtë konkurs më 05.11.2026, duke u mbështetur në nenet 16.2 dhe 17 të Ligjit për Ndërmarrjet Publike nr. 03/L-087 (GAZETA ZYRTARE E REPUBLIKËS SË KOSOVËS / PRISHTINË: VITI III/Nr. 31/15 QERSHOR 2008), me ndryshimet dhe plotësimet e Ligjit nr. 04/L-111 dhe nr. 05/L-009, në nenin 13 të Statutit të Ndërmarrjes dhe në dispozitat e tjera përkatëse në fuqi.

Konkurs për vende të lira

Në NP “Termokos” Sh.a, Prishtinë, kërkohen katër (4) anëtarë të Bordit të Drejtorëve.

Për punën e tyre, anëtarët raportojnë te Komisioni Komunal i Aksionarëve të NP “Termokos” Sh.a, Prishtinë.

Kohëzgjatja e mandatit është tri (3) vite.

Pagesa përcaktohet sipas nenit 20 të Ligjit për Ndërmarrjet Publike nr. 03/L-087 dhe ndryshimeve e plotësimeve përkatëse.

1. Kërkesat e përgjithshme

Personi që kandidon duhet të ketë integritet, të përmbushë kriteret e kualifikimit dhe të pavarësisë, si dhe të zotërojë përvojën profesionale dhe arsimimin e nevojshëm. Gjithashtu, kërkohet përmbushja e kushteve të tjera të parashikuara nga Ligji për Ndërmarrjet Publike dhe aktet e tjera përkatëse në fuqi.

2. Kriteret profesionale dhe të përshtatshmërisë

Për t’u marrë në konsideratë për pozitën e Drejtorit të Bordit, kandidati duhet të ketë të paktën pesë (5) vite përvojë, së paku në nivel të lartë menaxherial, në fushat e mëposhtme:

• Administrimin e biznesit;
• Financat e korporatave;
• Fushën e financave;
• Menaxhimin e thesarit;
• Sektorin bankar;
• Këshillimin për biznes ose industri; ose
• Një fushë tjetër shkencore apo profesionale që lidhet me veprimtarinë afariste të ndërmarrjes; ose
• Të ketë ushtruar për së paku pesë (5) vite profesionin e kontabilistit publik, të juristit të kualifikuar ose të një profesioni tjetër të kualifikuar, të lidhur ngushtë me veprimtarinë afariste të NP-së.

3. Rrethanat e papajtueshmërisë

Legjislacioni në fuqi përjashton nga ushtrimi i detyrës së drejtorit në Bordin e ndërmarrjeve publike personin që:

• a) Është dënuar nga gjykata kompetente, përveç rasteve kur dënimi ose vendimi është ndryshuar më pas nga një gjykatë tjetër pas ankesës, për vepër penale apo civile që përfshin deklarime të pavërteta, paraqitje të rreme, korrupsion, vjedhje, pastrim parash, përvetësim, keqpërdorim ose shpërndarje të paligjshme fondesh; ose është përfshirë në mitosje apo ryshfet sipas ligjeve dhe rregulloreve në fuqi në Kosovë ose në ndonjë vend tjetër, apo sipas traktateve dhe konventave ndërkombëtare;
• b) Ka qenë objekt i një vendimi nga gjykata, organi ose organizata përgjegjëse për zbatimin e kodit etik apo standardeve profesionale, përveç kur ky vendim është ndryshuar më pas nga një gjykatë ose organ tjetër pas ankesës, me të cilin është konstatuar: (i) sjellje joprofesionale; (ii) shkelje e kodit etik ose e standardeve të sjelljes profesionale; (iii) përvetësim i paligjshëm apo keqpërdorim i parave ose burimeve publike; (iv) keqpërdorim apo përvetësim i paligjshëm i informatave dhe të dhënave të marra gjatë shërbimit si zyrtar publik ose shërbyes civil; ose (v) shfrytëzim i postit publik apo i pozitës në shërbimin civil për dobi personale ose për përfitime e përparësi të një të afërmi apo të njohuri; apo
• c) Ka paraqitur të pavërteta materiale në dëshmi nën betim, në një formë tjetër betimi ose në dokument të vulosur apo të noterizuar; dhe
• d) Është shpallur i falimentuar brenda dhjetë (10) viteve të fundit;
• e) Është i punësuar në një institucion që harton politikat zhvillimore për Ndërmarrjen Publike përkatëse ku punon kandidati.

Pavarësia është kusht për secilin drejtor. Personi nuk cilësohet i pavarur dhe nuk mund të zgjidhet drejtor në një NP në rastet kur:

• a) Është aktualisht zyrtar ose menaxher i NP-së përkatëse apo i ndonjërës prej filialeve të saj, ose ka ushtruar njërën nga këto detyra në ndërmarrje apo filialet e saj gjatë pesë (5) viteve të fundit;
• b) Është aktualisht punonjës i nivelit të lartë në NP-në përkatëse, ose ka mbajtur një pozitë të tillë në të gjatë tri (3) viteve të fundit;
• c) Ka tani, ose ka pasur gjatë tri viteve të fundit, marrëdhënie materiale afariste të drejtpërdrejta apo të tërthorta me NP-në përkatëse ose me ndonjërin prej filialeve të saj, me përjashtim të marrëdhënies si konsumator individual i shërbimeve të NP-së;
• d) Mban cilësinë e aksionarit, drejtorit, zyrtarit ose punonjësit të lartë në një shoqëri tregtare apo person tjetër juridik që ka marrëdhënie materiale afariste me NP-në përkatëse ose me ndonjërin prej filialeve të saj;
• e) Merr aktualisht, ose ka marrë gjatë tri (3) viteve të fundit, pagesa shtesë nga NP-ja përkatëse apo ndonjëri prej filialeve të saj, përveç honorarit të Drejtorit ose kompensimit stimulues të përcaktuar në nenin 20.1 të ligjit primar; ose është pjesëmarrës në skemën pensionale të NP-së përkatëse apo të ndonjë filiali të saj;
• f) Ushtron drejtori të ndërsjella ose ka lidhje të rëndësishme me drejtorët e tjerë të NP-së përkatëse përmes angazhimit në shoqëri të tjera tregtare ose organe;
• g) Vepron si përfaqësues i një aksionari që zotëron dhjetë përqind (10%) të aksioneve me të drejtë vote në NP-në përkatëse;
• h) Ka qenë pjesë e Bordit të Drejtorëve të NP-së përkatëse për më shumë se nëntë (9) vite nga zgjedhja e parë; ose është i afërm i shkallës së tretë, sipas përkufizimit të “Interesit Financiar” në nenin 2 të ligjit primar, i një personi që hyn në cilëndo nga kategoritë e mësipërme, përveç kategorisë së përcaktuar në pikën (b); ose
• i) Është (i) punonjës, zyrtar, drejtor apo aksionar, ose zotëron një Interes Financiar në një shoqëri tregtare të palistuar që konkurron me Ndërmarrjen; ose (ii) është menaxher i lartë, zyrtar, drejtor apo aksionar me më shumë se dy përqind (2%) të të drejtave të votimit, ose ka një Interes të konsiderueshëm Financiar në ndonjë shoqëri tregtare të listuar që konkurron me Ndërmarrjen; dhe
• j) Është aktualisht, ose ka qenë në cilëndo kohë gjatë 36 muajve para datës së aplikimit, (i) zyrtar publik i zgjedhur, (ii) person i emëruar politikisht ose (iii) mbajtës i një pozite udhëheqëse apo vendimmarrëse në një parti politike;
• l) Ka një konflikt interesi, natyra e të cilit do ta pengonte të përmbushte rregullisht, me besnikëri, në mënyrë të pavarur dhe objektive detyrimet e veta fiduciare ndaj Aksionarëve dhe NP-së.

4. Dokumentet e kërkuara

Dokumentacioni i nevojshëm për kandidatët për anëtarë të Bordit të Drejtorëve përfshin:

• Formularin e aplikacionit;
• CV-në e kandidatit;
• Letrën e motivimit;
• Dokumentet dëshmuese të kualifikimit profesional. Diplomat/Certifikatat dhe dokumentet e ngjashme të fituara jashtë vendit duhet të jenë të nostrifikuara;
• Dokumentet që vërtetojnë përvojën e punës;
• Certifikatën që dëshmon se kandidati nuk është nën hetime, të lëshuar jo më herët se gjashtë muaj;
• Deklaratën nën betim, përmes së cilës kandidati vërteton se përmbush kushtet e kualifikimit, pavarësisë dhe përshtatshmërisë profesionale sipas paragrafëve 1-3 të nenit 17 të Ligjit për Ndërmarrjet Publike nr. 03/L-087. Deklarimet materialisht të pavërteta, të bëra me qëllim apo nga neglizhenca, si dhe ndryshimet materiale nga informacioni i deklaruar, sjellin skualifikim të menjëhershëm dhe, kur zbatohet, largimin e personit;
• Fotokopjen e letërnjoftimit;
• Listën kontrolluese.