Mami Profesioniste
Shendetesi & MedicineTiranë2 javë më parëFull Time
Kërkojmë një Mami Profesioniste që dëshiron ta ushtrojë profesionin e saj në një ambient spitalor me standarde të larta.
Në këtë rol do të shoqërosh nënat në momentet më të rëndësishme të jetës së tyre — nga përgatitja për lindje, gjatë procesit të lindjes, e deri te kujdesi pas saj. Do të bashkëpunosh ngushtë me mjekët dhe stafin mjekësor, duke garantuar siguri dhe cilësi në çdo hap të kujdesit. Përvoja jote shumëvjeçare do të vlerësohet dhe do të vihet në zbatim çdo ditë në situata reale klinike.
Kjo pozitë të ofron mundësinë të thellosh ekspertizën profesionale dhe të bësh një ndryshim të vërtetë në jetën e pacienteve dhe familjeve të tyre.
Angazhimet
- Kujdesi gjatë përgatitjes për lindje, procesit të lindjes dhe pas lindjes
- Përgatit dhe siguron funksionalitetin e ambienteve të paralindjes, sallës së lindjes normale dhe asaj cezariane, duke garantuar pajisjet dhe materialet e nevojshme
- Monitoron gruan dhe fetusin, përgatit nënën sipas protokolleve spitalore dhe sigurohet që janë kryer testet e nevojshme
- Asiston mjekun gjatë lindjes natyrale dhe/ose me operacion cezarian
- Asiston në daljen e placentës, sigurohet për integritetin e saj, monitoron gjendjen e nënës menjëherë pas lindjes
- Asiston në suturimin e epiziotomisë/laceracioneve/incizionit operator dhe monitoron parametrat vitale të nënës pas lindjes
- Ofron ndihmë për lehonën, përfshirë edhe asistencën/edukimin për ushqyerjen me gji
- Monitoron gruan pas lindjes, kontraktimin e uterusit, parametrat vitale; observon dhe raporton në kohë çdo shenjë të mundshme komplikacioni postpartum
- Observon për shenja të depresionit post-partum dhe informon mjekun nëse është e nevojshme
- Ofron këshillim dhe trajnim për kujdesin personal të nënës dhe të porsalindurit, higjienën, ushqyerjen dhe mirëmbajtjen e shëndetit
- Kryen detyra të tjera brenda fushës profesionale sipas nevojës dhe kërkesës.
Sqarime të tjera
- Diplomë universitare Mami ose Infermieri-Mami, e lëshuar nga një institucion i akredituar nga autoritetet shqiptare, ose diplomë e ekuivalentuar nga Ministria e Arsimit për ata që kanë studiuar jashtë vendit
- Kryerja e Masterit Mami ose Infermieri-Mami përbën avantazh
- Të disponojë Lejen për Ushtrimin e Profesionit të lëshuar nga Urdhëri i Infermierit në Shqipëri
- Eksperiencë pune mbi 5 vite si mami/infermiere mami në institucione shëndetësore analoge
- Të interesuarit duhet të dërgojnë CV dhe një fotografi.