Arkitekt Zbatimi (Durrës)
Ndertimtari & InxhinieriDurrës1 javë më parëFull Time
Përshkrimi
PROGEEN sh.p.k. vepron në tregun shqiptar që nga viti 2013 në sektorin e ndërtimit, duke ushtruar aktivitetin si investitor dhe kontraktor kryesor. Kompania mbështetet te profesionalizmi, besueshmëria dhe cilësia e lartë në ndërtim, duke zbatuar zgjidhje moderne në secilin projekt. PROGEEN i kushton rëndësi të veçantë kapitalit njerëzor dhe e konsideron ekipin profesionist si bazë të arritjeve në çdo angazhim.
Kompania mirëpret kandidatë që duan të vënë në provë aftësitë e tyre dhe vlerëson veçanërisht idetë dhe ambicien që sjellin ndryshim.
Pozicioni i punës: Arkitekt Zbatimi
Departamenti: i Arkitekturës
Vendndodhja: Durrës
Përmbledhja e pozicionit: Kandidati në këtë rol duhet të zotërojë njohuri shumë të mira për projektin dhe për specifikimet përkatëse. Ai ose ajo merret me kontrollin e punimeve, planifikimin e proceseve arkitekturore, bashkërendimin me drejtuesit e ekipeve për punimet e rifiniturës, si dhe me mbikëqyrjen e cilësisë, afateve të punimeve dhe materialeve të përdorura.
Detyrat
- Verifikon nëse punimet arkitekturore në kantier përputhen me projektin e miratuar.
- Mbikëqyr zbatimin e detajeve të fasadës, veshjeve të brendshme, lyerjeve dhe finiturave.
- Ofron konsultim dhe mbështetje në përzgjedhjen e materialeve në terren, në përputhje me specifikimet e projektit.
- Kontrollon ruajtjen dhe përdorimin e materialeve për të ulur mbetjet dhe për të përmirësuar koston e zbatimit.
- Zbulon mospërputhjet gjatë fazës së zbatimit dhe propozon zgjidhje teknike në bashkëpunim me projektuesit dhe mbikëqyrësit.
- Harton dhe dorëzon As Built Drawings për punimet arkitekturore të përfunduara.
- Mbështet ekipin e QA/QC gjatë inspektimeve të cilësisë për punimet arkitekturore.
- Kujdeset që zbatimi të respektojë standardet e kërkuara të projektit.
- Ndjek instalimin e elementeve dekorative, të fasadës dhe të finiturave të brendshme.
- Raporton mbi ecurinë e punimeve arkitekturore dhe dokumenton çdo ndryshim të realizuar në terren.
- Punon ngushtë me inxhinierët e strukturës dhe MEP për koordinimin gjatë zbatimit.
Kualifikimet
- Të ketë më shumë se 4 vjet përvojë pune si arkitekt zbatimi.
- Të zotërojë aftësi krijuese dhe organizative.
- Të ketë komunikim shumë të mirë dhe aftësi për të punuar në grup, duke koordinuar detyrat me kolegët e tjerë.
- Të ketë njohuri shumë të mira kompjuterike në programe si: MC Office, AutoCad, Revit Architecture, Adobe Photoshop, 3D Studio Viz / Max ose programe të tjera renderimi.
- Të njohë mirë standardet kombëtare dhe ndërkombëtare të ndërtimit, si edhe legjislacionin në fuqi.