Agjent Shitjesh
ShitjeTiranë2 javë më parëFull Time
Përshkrimi
Neptun shpk vepron si një nga kompanitë kryesore në shitjen me pakicë të pajisjeve elektronike për konsumatorë dhe elektroshtëpiakeve, si pjesë e Grupit BALFIN. E themeluar në vitin 1993, kompania ka ndërtuar bashkëpunime afatgjata me marka të njohura ndërkombëtare të teknologjisë dhe u ofron klientëve mbi 7,500 produkte në cilësinë e rishitësit të autorizuar. Krahas rrjetit prej 30 dyqanesh fizike, Neptun ka qenë ndër kompanitë e para që zhvilluan tregtinë elektronike në Shqipëri. Aktiviteti i saj shtrihet edhe në Maqedoninë e Veriut që prej vitit 1998 dhe në Kosovë që prej vitit 2007.
BALFIN Grup renditet ndër grupet më të suksesshme të investimeve në Ballkanin Perëndimor. I krijuar në vitin 1993, grupi ushtron veprimtarinë e tij në Austri, Shqipëri, Kosovë, Bosnje dhe Hercegovinë, Kroaci, Maqedoni të Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Portofoli i tij përfshin fusha të ndryshme si bankingu, zhvillimi i pasurive të paluajtshme, tregtia me shumicë dhe pakicë, administrimi i aseteve, turizmi, logjistika, arsimi dhe argëtimi. Me rreth 5,500 profesionistë në ekip, BALFIN vijon zgjerimin e qëndrueshëm duke u mbështetur në etikë të fortë biznesi, stabilitet financiar, risi dhe përkushtim afatgjatë ndaj ndikimit në komunitet përmes Fondacionit Mane.
Pozicioni: Agjent Shitje
Departmenti: i Shitjeve me Shumicë
Vendodhja: Tiranë
Roli i Agjentit të Shitjeve në departamentin e Shitjeve me Shumicë përfshin krijimin dhe ruajtjen e marrëdhënieve me klientët, administrimin me efektivitet të procesit të shitjeve me shumicë dhe përmbushjen e objektivave të vendosura të shitjes. Kjo pozitë kërkon aftësi të zhvilluara në komunikim, negocim dhe organizim të inventarit.
Detyrat
- Të realizojë objektivat e shitjes duke zgjeruar praninë dhe gamën e produkteve të kompanisë.
- Të administrojë marrëdhëniet me klientët aktualë dhe të krijojë lidhje të reja me klientë potencialë.
- Të monitorojë çmimet e tregut, t’i krahasojë ato me çmimet e kompanisë dhe të propozojë përmirësime kur nevojitet.
- Të lëvizë nëpër rrethe sipas grafikut të miratuar nga menaxheri përkatës.
- Të identifikojë dhe të kontaktojë individë ose kompani me potencial për tregtimin e produkteve elektro-shtëpiake.
- Të ndërtojë marrëdhënie të qëndrueshme me tregtarët dhe t’i mbajë ata të informuar vazhdimisht për çmimet dhe ofertat e kompanisë.
- Të ndjekë mbylljen e klientëve debitorë dhe të kryejë rakordim të vazhdueshëm të llogarive.
- Të analizojë me kujdes raportet e shitjeve mujore dhe t’i krahasojë ato me të dhënat e vitit të kaluar.
- Të marrë pjesë në takimet javore të departamentit të shumicës.
- Të mbledhë informacion për klientët dhe produktet, përfshirë nevojat, problematikat, historikun e produktit dhe praktikat e biznesit, me qëllim realizimin e shitjeve dhe prezantimeve sa më të përshtatshme.