Udhëheqës i Divizionit për Prodhimtari Ekonomike
Bujqesi & MjedisPrishtinëSotFull Time
Shërbimi Korrektues i Kosovës shpall konkurs për pozitën Udhëheqës i Divizionit për Prodhimtari Ekonomike
Në rolin e Udhëheqësit të Divizionit për Prodhimtari Ekonomike do të drejtosh aktivitetin bujqësor, blegtoral dhe ekonomik brenda institucionit korrektues, duke planifikuar kultivimin e bimëve, prodhimet bujqësore dhe menaxhimin e sektorit të blegtorisë. Do të organizosh punën, do të mbikëqyrësh mbjelljen, kultivimin e vjeljen e produkteve dhe do të sigurosh përdorimin efikas të burimeve.
Do të planifikosh nevojat për punësimin e të burgosurve në lëmit ekonomike, do të menaxhosh koston dhe buxhetin dhe do të mbash evidencë të saktë të hyrjeve e daljeve të produkteve. Do të koordinohesh me njësinë ekonomike për produktet tepricë dhe do të sigurosh që prodhimet të përdoren për nevojat e institucionit.
Ky është një pozicion me përgjegjësi të lartë në sektorin publik, me mandat 4-vjeçar, ideal për një profesionist me prirje nga bujqësia dhe menaxhimi ekonomik që dëshiron të japë kontribut real brenda Shërbimit Korrektues.
Detyrimet
- Mbështet dhe ofron këshilla për drejtorin e Departamentit dhe titullarin e institucionit për fushën e përgjegjësisë së Divizionit
- Drejton dhe mbikëqyr aktivitetet e Divizionit dhe ndihmon në caktimin e objektivave e zhvillimin e planit të punës
- Kontribuon në procesin e vendimmarrjes me të dhëna të detajuara dhe analiza
- Udhëzon stafin në aktivitetet e përditshme në përputhje me legjislacionin, politikat institucionale dhe standardet
- Planifikon dhe harton plane për kultivimin e bimëve në lëmin e agrikulturës, pemëtarisë, prodhime tjera bujqësore dhe aktivitete tjera ekonomike
- Planifikon dhe menaxhon sektorin e blegtorisë
- Planifikon nevojat për numrin e të punësuarve të burgosur në lëmit e caktuara ekonomike
- Mbikëqyr mbjelljen, kultivimin dhe vjeljen e produkteve
- Planifikon koston e nevojave buxhetore
- Menaxhon me produktet e fituara dhe të njëjtat i përdorë për nevoja të institucionit, ndërsa produktet tepricë koordinohet me udhëheqësinë e njësisë ekonomike