Specialist/e për Mediat
Marketing, Media & KomunikimTiranë2 ditë më parëFull Time
Detyrat dhe përgjegjësitë
- Të sigurojë informimin në kohë dhe me transparencë të mediave dhe publikut mbi të gjithë aktivitetin parlamentar, duke realizuar objektivat, detyrat dhe kompetencat e tij në mënyrë të pavarur, profesionale dhe të paanshme.
- Të bëjë të gjitha përpjekjet për t’u krijuar kushte normale pune mediave nëpërmjet akreditimit periodik të tyre dhe menaxhimit të tyre në mjediset e Kuvendit për dhënien në kohë të informacionit të kërkuar.
- Të ndjekë pasqyrimin e veprimtarisë së Kuvendit në median e shkruar, audiovizive dhe atë on-line dhe të informojë strukturat drejtuese mbi çështjet me interes institucional, problematikat e evidentuara dhe çështjet që kërkojnë reagim apo sqarim.
- Të informojë eprorët mbi aktivitetin mediatik të deputetëve në mjediset e Kuvendit dhe të koordinojë, sipas rastit, aspektet organizative dhe mediatike të këtyre aktiviteteve.
- Të koordinojë konferencat për shtyp, deklaratat për median dhe komunikimet e tjera publike të Kryetarit, Zëvendëskryetarëve dhe deputetëve, kur këto zhvillohen në mjediset e Kuvendit.
- Të ndihmojë në administrimin e procesit të akreditimit të mediave pranë Kuvendit, në përputhje me rregullat përkatëse, si dhe të sigurojë orientimin dhe koordinimin e gazetarëve dhe përfaqësuesve të mediave gjatë ushtrimit të veprimtarisë së tyre në institucion.
Informacion shtesë
- Institucioni: Kuvendi i Shqipërisë
- Vendndodhja: Tiranë
- Lloji i kontratës: Me kohë të plotë
- Niveli arsimor i kërkuar: Master shkencor (3+2 vjet)
- Afati i aplikimit: 17.12.2026