Teknik i Lojërave të Fatit (Slot Technician)
Teknologji Informacioni (IT)Tiranë3 javë më parëFull Time
Përshkrimi
Infinity Investment Group renditet ndër kompanitë kryesore në fushën e mikpritjes dhe argëtimit në Shqipëri dhe menaxhon kazino të integruara në hotele me 5 yje.
Kompania po kërkon 2 Teknikë të Lojërave të Fatit (Slot Technician), të cilët do të kujdesen për mirëmbajtjen, verifikimin dhe funksionimin sa më efikas të pajisjeve elektronike të lojërave, me synim ofrimin e një përvoje cilësore dhe pa ndërprerje për klientët.
Detyrat
Përgjegjësitë kryesore
- Realizimi i mirëmbajtjes dhe i kontrolleve të rregullta për makinat e lojërave të fatit, pajisjet elektronike, ekranet dhe sistemet që lidhen me to.
- Garantimi i funksionimit të duhur të makinave Slot, duke përfshirë kontrollin teknik, furnizimin me bileta dhe evidentimin e problematikave.
- Monitorimi i proceseve teknike dhe bashkërendimi i punës me departamentet përkatëse të kazinosë.
- Ofrimi i mbështetjes teknike për pajisjet dhe sistemet e tjera elektronike brenda ambienteve të kazinosë.
- Mbajtja e raporteve dhe e dokumentacionit për kontrollet e kryera dhe ndërhyrjet teknike.
- Zbatimi i procedurave të brendshme, standardeve të sigurisë dhe ruajtjes së konfidencialitetit të informacionit.
Kualifikimet
Kualifikimet
- Diplomë në Elektronikë, Elektroteknikë, Teknologji Informacioni ose në një fushë të afërt.
- Përvoja në mirëmbajtjen e pajisjeve elektronike ose të sistemeve teknike konsiderohet përparësi.
- Njohuri bazë për komponentët elektronikë, hardware dhe sistemet teknike.
- Aftësi të mira për të identifikuar dhe zgjidhur problematika.
- Shkathtësi të mira komunikimi dhe bashkëpunimi në ekip.
- Gatishmëri për punë me turne.
Ne ofrojmë
- Pagë konkurruese.
- Mundësi për zhvillim profesional dhe trajnime.
- Ambient pune profesional dhe bashkëpunues.
- Mundësi për të punuar me teknologji moderne në industrinë e gaming-ut.