Punëtor Magazine-TEG
Transport & LogjistikeTiranë4 javë më parëFull Time
Përshkrimi
Fashion Group Albania renditet ndër kompanitë kryesore në tregun shqiptar të shitjes me pakicë të modës ndërkombëtare dhe tani është pjesë e Albi Group. E krijuar në vitin 2005, FGA vepron si përfaqësuese ekskluzive e disa markave të njohura botërore të modës dhe aksesorëve, si Mango, Parfois, Springfield, Cortefiel, Geox, Okaïdi, Prenatal, Carpisa, Women’secret, Aldo,Tom Tailer.
Albi Group, i themeluar para më shumë se 30 vitesh nga familja Humolli në Prishtinë, Kosovë, është zhvilluar nga një biznes familjar i vogël në një kompani të rëndësishme në fushat e shitjes me pakicë, pasurive të paluajtshme, shpërndarjes së produkteve FMCG, shërbimeve ushqimore dhe mikpritjes. Grupi vë theks të veçantë te kënaqësia e klientëve, përgjegjësia shoqërore dhe qëndrueshmëria mjedisore, me synimin për të ndikuar pozitivisht në komunitet.
Pozicioni: Punëtor Magazine
Njësia: Logjistikë TEG
Përmbledhja e pozicionit:
Fashion Group Albania është në kërkim të personave të rinj dhe të aftë për t’iu bashkuar ekipit të logjistikës në TEG. Personi i përzgjedhur do të kujdeset për organizimin dhe mirëmbajtjen e magazinave të FGA, si edhe do të ndjekë proceset e ngarkim-shkarkimit të importeve dhe eksporteve që realizon kompania.
Detyrat
- Ka përgjegjësi të drejtpërdrejtë për ngarkimin dhe shkarkimin e mallrave që administrohen për llogari të Fashion Group Albania.
- Mbështet dyqanet në aktivitetet e përditshme që lidhen me lëvizje të ndryshme të mallrave, sipas nevojave të tyre.
- Kujdeset për rregullimin dhe sistemimin e magazinave të FGA sa herë që paraqitet nevoja.
- Mban në gjendje të mirë mjetet e punës dhe siguron që, në përfundim të ditës, ato të vendosen në hapësirat përkatëse.
- Duhet të jetë i gatshëm të angazhohet edhe jashtë ambienteve të TEG, kur kjo kërkohet për nevojat e Fashion Group Albania.
- Kryen edhe detyra të tjera të caktuara nga supervizori, për aq sa ato lidhen me natyrën e këtij roli.
Kualifikimet
- Të jetë i aftë të punojë në ekip dhe të tregojë iniciativë.
- Të zotërojë aftësi të mira në komunikim.
- Të ketë gatishmëri dhe aftësi për të përballuar punë fizike.
- Të dallohet për korrektësi dhe besueshmëri.
- Përvoja e mëparshme në kompani me aktivitet të ngjashëm përbën përparësi.