Personel Akademik Efektiv në Shkenca Kompjuterike
Edukim & TrajnimTiranëSotFull Time
Universiteti Europian i Tiranës shpall vend të lirë pune për Personel Akademik Efektiv në Shkenca Kompjuterike
Bëhu pjesë e stafit akademik të Universitetit Europian të Tiranës si Personel Akademik Efektiv në fushën e Shkencave Kompjuterike, ku do të formosh brezat e ardhshëm të profesionistëve të IT-së. Do të jesh pjesë e Departamentit të Informatikës dhe Teknologjisë për vitin akademik 2026–2027.
Në përditshmërinë tënde do të angazhohesh në mësimdhënie, do të drejtosh dhe oponentosh tema diplome dhe do të këshillosh studentët. Do të kontribuosh gjithashtu në veprimtari kërkimore-shkencore dhe në zhvillimin e mëtejshëm të departamentit.
Kjo është një mundësi e shkëlqyer për një profesionist me gradën "Doktor" që dëshiron të ndërtojë karrierën akademike në një universitet të akredituar dhe në rritje. Do të punosh në një mjedis që vlerëson dijen, kërkimin shkencor dhe zhvillimin profesional.
Përgjegjësitë
- Angazhimi në mësimdhënie
- Drejtim dhe oponencë temash diplome
- Këshillim i studentëve
- Angazhimi në veprimtari kërkimore-shkencore
- Kontribut në zhvillimin e departamentit
Kriteret për një kandidat të suksesshëm:
- Të zotërojë të paktën gradën shkencore "Doktor" në njërën prej programeve "Shkenca Kompjuterike", "Inxhinieri Informatike", "Inxhinieri Elektronike", "Teknologji Informacioni" ose në fusha të afërta dhe të lidhura drejtpërdrejt me to
- Të ketë përvojë në mësimdhënie në arsimin e lartë
- Të demonstrojë evidenca të publikimeve shkencore
Dokumentet e kërkuara (në një dokument të vetëm PDF):
- CV
- Letër motivimi ku shpjegohen qartë interesat profesionale, fushat e ekspertizës dhe lëndët ku mund të angazhohen
- Diploma të ciklit të parë dhe të dytë, shoqëruar me kopjen e listës së notave
- Kopje të dëshmisë së gradës shkencore/titujve akademikë
- 2 letra reference
- Dëshmi të gjuhëve të huaja
- Deklarata mbi të dhënat personale (gjendet në faqen zyrtare të UET)
- Fakulteti i Inxhinierisë, Informatikës dhe Arkitekturës
- Viti akademik: 2026–2027
- Vetëm kandidatët e përzgjedhur do të njoftohen për intervistë