Zyrtare Administrative
Biznes & MenaxhimPrishtinë2 ditë më parëFull Time
Karrierë e re te European College of Kosovo – pozita Zyrtare Administrative
Në rolin e Zyrtares Administrative do të jesh në qendër të organizimit të përditshëm, duke mbajtur dokumentacionin, korrespondencën dhe agjendën e punës në rregull. Do të pritësh dhe orientosh palët, do të përgjigjesh në kërkesat e tyre dhe do të sigurosh që çdo kërkesë të trajtohet me profesionalizëm.
Përditshmëria jote do të përfshijë menaxhimin e të dhënave, përgatitjen e raporteve dhe mbështetjen e stafit në detyrat administrative. Është një pozitë që kërkon saktësi, organizim të mirë dhe komunikim të qartë.
Puna në një institucion arsimor të jep mundësinë të ndërtosh përvojë të vlefshme administrative dhe të zhvillosh aftësitë e tua profesionale në një ambient të strukturuar e serioz.
Angazhimet
- Ofron informacione për palët e interesuara rreth programeve dhe shërbimeve, cakton takimet, mban nën kontroll kalendarin dhe jep të dhënat e nevojshme;
- Kujdeset për arkivimin, përditësimin dhe menaxhimin e dosjeve e të dokumenteve sipas kërkesave të institucionit;
- Siguron që të gjitha proceset administrative të lidhura me programet profesionale dhe shërbimet të zhvillohen në mënyrë efikase dhe pa vonesa;
- Mbështet organizimin dhe zhvillimin e punëve operative për aktivitete, evente, trajnime etj.;
- Kryen detyra të tjera sipas nevojave të institucionit.
Kërkesat
- Diplomë universitare ose statusi i studentit aktiv;
- Përvojë paraprake në punë administrative (e preferueshme);
- Njohuri të shkëlqyera të gjuhës angleze (e preferueshme);
- Shkathtësi të avancuara në MS Office (e preferueshme);
- Aftësi të mira organizative dhe përpikëri në punë;
- Komunikim i qartë, me gojë dhe me shkrim;
- Motivim, profesionalizëm dhe qasje pozitive ndaj punës;
- Fleksibilitet dhe mendim kreativ.