ShitjePrishtinë2 javë më parëFull Time
Korporata Buçaj Sh.P.K. ka shpallur konkurs për pozitën Shitës Ambulant.
Përgjegjësitë kryesore
- Realizon shitjen e mallrave të programit përkatës, në përputhje me planin e përcaktuar nga menaxheri.
- Regjistron çdo ditë vlerën e mallrave të pranuara nga depoja dhe të shitura në terren.
- Para daljes në terren, përgatitet për vizitat, përcakton objektiva SMART për secilën prej tyre dhe vendos prioritetet e vizitave.
- Zbaton planin ditor të vizitave (route planin e marrë nga mbikëqyrësi).
- Kryen pesë fazat e shitjes: 1) prezantimin; 2) kontrollin e stokut, përfshirë sasinë, kushtet e përgjithshme dhe afatin e mallit; 3) paraqitjen e shitjes, analizën e nevojave, shitjen e benefiteve, tejkalimin e pengesave dhe mbylljen; 4) merchandising-un, duke përfshirë pozicionimin e mallit, hapësirën dhe dukshmërinë maksimale; 5) raportimin.
- Bashkë me mbikëqyrësin, administron materialet reklamuese si raftet, woblerat, posterat dhe maicat, kujdeset për mirëmbajtjen e tyre dhe i shpërndan sipas prioriteteve.
- Siguron respektimin e ndërsjellë të kontratës për shërbimin.
Kualifikimet e kërkuara
- Kërkohet të ketë të përfunduar së paku shkollën e mesme; diploma universitare konsiderohet përparësi.
- Të zotërojë aftësi shumë të mira komunikimi dhe prezantimi.
- Të posedojë patentë shoferi të kategorisë B.
- Të ketë aftësi të shkëlqyera për planifikimin dhe organizimin e punës.
- Të ketë aftësi të mira për menaxhimin e kohës.
- Të jetë i/e aftë të menaxhojë punën nën presion.
Ne ofrojmë
- Kontratë të rregullt pune.
- Pagë bruto prej 950 euro.
- Sigurim shëndetësor të ofruar nga korporata.
- Orar pune nga E Hënë – E Premte (7:30-15:30).
- Trajnime profesionale.
Kandidatët që përmbushin kriteret e përmendura do të ftohen në fazat e mëtejshme të rekrutimit.