Finance, Banke & KontabilitetTiranë4 ditë më parëFull Time
Përshkrimi
"B.M" Group operon si kompani distribucioni me prani të konsoliduar në treg dhe furnizon produkte cilësore, të ardhura kryesisht nga vendet e Bashkimit Europian. Rrjeti i distribucionit mbulon të gjithë territorin e Shqipërisë, ndërsa veprimtaria është shtrirë edhe në rajon e më gjerë përmes partneriteteve në Kosovë, Maqedoninë e Veriut, Serbi, Greqi, Slloveni, Angli dhe SHBA. Në funksion të zhvillimit të mëtejshëm, kompania kërkon një profesionist të motivuar për rolin e mëposhtëm:
Drejtor Finance
Ky rol drejton dhe mbikëqyr tërësinë e veprimtarive financiare, kontabël dhe fiskale të kompanisë. Përgjegjësia përfshin administrimin efikas të burimeve financiare, mbajtjen nën kontroll të kostove, përmirësimin e flukseve monetare dhe garantimin e raportimit të saktë financiar.
Së bashku me Drejtorin e Pergjithshem dhe drejtuesit e departamenteve, kontribuon në përcaktimin e strategjisë financiare, përgatitjen e buxheteve dhe vendimmarrjen në mbështetje të rentabilitetit, likuiditetit dhe zhvillimit të qëndrueshëm të kompanisë. Gjithashtu ndjek marzhet e fitimit, koston e mallrave, lëvizjet e stokut, kreditimin e klientëve, detyrimet ndaj furnitorëve dhe efikasitetin financiar të operacioneve.
Përgjegjësitë
- Udhëheq dhe kontrollon proceset financiare, kontabël dhe fiskale, duke garantuar raportim të saktë dhe përputhje me legjislacionin në fuqi.
- Përgatit buxhetin vjetor, parashikimet financiare dhe planet afatshkurtra e afatgjata, si dhe ndjek zbatimin e tyre.
- Vlerëson rezultatet financiare, marzhet e fitimit, shpenzimet operative dhe diferencat kundrejt objektivave të vendosura.
- Administron flukset monetare, likuiditetin dhe kapitalin qarkullues për të mundësuar shfrytëzim efikas të burimeve financiare.
- Ndjek llogaritë e klientëve dhe furnitorëve, politikat e kreditimit, arkëtimet dhe përmbushjen e detyrimeve financiare.
- Mbikëqyr kontrollin financiar të stokut, koston e mallrave të shitura dhe mospërputhjet e inventarit.
- Evidenton rreziqet financiare dhe përgatit masa që synojnë optimizimin e kostove dhe përmirësimin e rentabilitetit.
- Harton dhe përmirëson procedurat e kontrollit të brendshëm, bashkë me proceset e raportimit financiar.
- Udhëheq dhe zhvillon ekipin e Financës, duke bashkëpunuar edhe me departamentet e tjera për arritjen e objektivave të kompanisë.
- Për Drejtorin e Pergjithshem dhe drejtuesit e tjerë të kompanisë, harton analiza financiare dhe rekomandime.
Kërkesat për kualifikim
- Kërkohet diplomë universitare në Financë, Kontabilitet, Ekonomi ose një fushë të përafërt.
- Kandidati duhet të ketë së paku 7 vite përvojë profesionale në financë dhe kontabilitet, përfshirë të paktën 3 vite në role drejtuese.
- Përvoja në kompani distribucioni, FMCG ose shoqëri tregtare vlerësohet si avantazh i rëndësishëm.