Logoped
Shendetesi & MedicineFier2 ditë më parëFull Time
Bashkia Fier është në kërkim të një Logopedi
Puna si Logoped pranë Bashkisë Fier ju jep mundësinë të ndihmoni fëmijët të gjejnë zërin e tyre dhe të komunikojnë më lirshëm me botën përreth. Do të jeni në kontakt të vazhdueshëm me fëmijët dhe familjet e tyre, duke i shoqëruar në çdo hap të rrugëtimit terapeutik.
Në përditshmërinë tuaj do të hartoni dhe realizoni programe terapeutike të individualizuara, duke iu përshtatur nevojave konkrete të secilit rast. Do të njihni, vlerësoni dhe adresoni problemet e shqetësimet e përfituesve, si dhe do të kontribuoni në dokumentimin e rasteve dhe përgatitjen e raporteve.
Pozicioni kërkon ndjeshmëri, komunikim të mirë me personat vulnerabël dhe aftësi për të punuar në grup e në komunitet. Është një rol me ndikim të drejtpërdrejtë dhe të dukshëm në zhvillimin e fëmijëve.
Përgjegjësitë
- Do të jetë në kontakt të vazhdueshëm me fëmijët dhe familjen, në pritjen dhe ofrimin e shërbimeve ndaj tyre
- Harton dhe realizon programe terapeutike të individualizuara
- Të njohë, vlerësojë dhe bëjë prezent për zgjidhje të gjitha problemet dhe shqetësimet e tyre
- Asistimi në çdo shërbim që ofrohet për përfituesit brenda Qendrës
- Krijimi dhe pasurimi me të dhëna personale në dosjet e të gjitha rasteve që ndodhen në Qendër
- Përgatitje informacionesh, analizash, raportesh, kërkesash, etj
Kriteret e përgjithshme:
- Të ketë shtetësinë shqiptare
- Të gëzojë zotësi të plotë për të vepruar
- Të jetë i/e aftë për punë
- Të jetë i/e diplomuar në Logopedi
- Të mos jetë i dënuar penalisht me një vendim gjykate të formës së prerë
- Të gëzojë integritet moral dhe profesional dhe të mos jetë marrë masë disiplinore për cënim të rregullave të etikës