Specialist IT / Teknologji & Pajisje Profesionale
Teknologji Informacioni (IT)Tiranë4 ditë më parëFull Time
Përshkrimi
Kompania AUTOPASION synon të zgjerojë ekipin e saj me një Specialist IT. Përveç kompetencave në teknologjinë e informacionit, kandidati duhet të jetë i interesuar dhe i gatshëm të mësojë e të ofrojë mbështetje për pajisje profesionale dhe sisteme elektronike që përdoren në serviset automobilistike.
Detyrat
Roli nuk kufizohet vetëm te mirëmbajtja e kompjuterëve dhe rrjetit të kompanisë. Kandidati do të trajnohet në mënyrë progresive për diagnostikimin dhe mbështetjen e çështjeve teknike të pajisjeve të servisit, përfshirë:
- Urat ngritëse dhe sistemet e tyre elektronike.
- Pajisjet për diagnostikim.
- Makineritë dhe pajisjet elektronike të servisit.
- Sistemet kompjuterike dhe software-in e lidhur me pajisjet profesionale.
- Zbulimin dhe diagnostikimin e defekteve elektronike ose të komunikimit.
- Instalimin, konfigurimin dhe asistencën teknike për pajisjet.
Kualifikimet
Kërkesat kryesore:
- Njohuri e mirë e gjuhës angleze.
- Edukim ose njohuri të mira në IT, Informatikë, Elektronikë apo fusha të përafërta.
- Njohuri të mira për hardware, software, rrjete dhe sisteme operative.
- Interesim për elektronikën dhe teknologjinë e pajisjeve profesionale.
- Aftësi për analizimin dhe zgjidhjen e problemeve teknike.
- Gatishmëri për të mësuar pajisje dhe teknologji të reja.
- Disponueshmëri për punë praktike dhe asistencë në ambientet e servisit.
- Gatishmëri për trajnime dhe specializime jashtë Shqipërisë.
AUTOPASION ofron
Një përfitim i rëndësishëm i këtij pozicioni është mundësia për trajnim dhe specializim profesional në Gjermani, drejtpërdrejt në pajisjet dhe teknologjitë specifike me të cilat do të angazhohet kandidati.
Kompania synon të zhvillojë një specialist që bashkon IT-në, elektronikën dhe teknologjinë automotive, duke krijuar një profil profesional të specializuar me perspektivë afatgjatë.
Kërkohet një person kureshtar, praktik dhe i gatshëm të rritet profesionalisht së bashku me kompaninë AUTOPASION.