Transport & LogjistikeTiranë4 ditë më parëFull Time
Qëllimi i Pozicionit
Specialist/e e Prokurimit është përgjegjës për planifikimin, organizimin dhe menaxhimin e proceseve të prokurimit të materialeve, komponentëve elektronikë dhe shërbimeve të nevojshme për funksionimin e fabrikës.
Pozicioni siguron furnizimin në kohë, me cilësinë dhe koston e përshtatshme, duke menaxhuar marrëdhëniet me furnitorët, negociatat, porositë, importet dhe proceset logjistike. Bashkëpunon ngushtë me Prodhimin, Planifikimin, Inxhinierinë, Cilësinë, Magazinen, Financën dhe Logjistikën për të garantuar vazhdimësinë e procesit të prodhimit.
Detyrat dhe Përgjegjësitë
- Planifikon dhe menaxhon nevojat për blerje të materialeve, komponentëve elektronikë, materialeve të konsumit dhe artikujve të tjerë të nevojshëm për procesin e prodhimit, në bashkëpunim me Planifikimin, Prodhimin dhe departamentet përkatëse.
- Identifikon, vlerëson dhe përzgjedh furnitorë të rinj, si dhe menaxhon marrëdhëniet me furnitorët ekzistues, duke siguruar përmbushjen e kërkesave të kompanisë për cilësi, kosto, kapacitet dhe afate furnizimi.
- Kryen vlerësimin periodik të furnitorëve bazuar në cilësinë e produkteve, respektimin e afateve të dorëzimit, saktësinë e dokumentacionit dhe efektivitetin e reagimit ndaj problematikave. Monitoron statusin dhe performancën e furnitorëve në systemin Odoo dhe, sipas procedurave të kompanisë, propozon ose miraton kualifikimin, rikualifikimin apo skualifikimin e tyre. Bashkëpunon me Departamentin e Blerjes dhe Inxhinierisë për ndjekjen dhe përmirësimin e performancës së furnitorëve.
- Kërkon dhe analizon oferta, kryen analiza krahasuese të çmimeve dhe kushteve të furnizimit dhe negocion çmimet, afatet e dorëzimit, kushtet e pagesës dhe kushtet e tjera kontraktuale.
- Menaxhon dhe ndjek ciklin e porosive të blerjes, nga krijimi dhe konfirmimi i porosisë deri në dorëzimin dhe pranimin e materialeve në magazinë, duke ndërhyrë në kohë për çdo devijim nga afatet ose sasitë e konfirmuara.
- Monitoron nevojat e prodhimit, nivelet e stokut, afatet e furnizimit dhe të dhënat në sistemet ERP/MRP, me qëllim sigurimin e disponueshmërisë së materialeve dhe shmangien e mungesave apo ndërprerjeve të prodhimit.
- Identifikon dhe zbaton mundësi për optimizimin e kostove të blerjes, duke marrë në konsideratë çmimin, transportin, doganat, cilësinë, kushtet e pagesës dhe koston totale të furnizimit.
- Identifikon dhe menaxhon rreziqet e furnizimit, veçanërisht për komponentët kritikë, komponentët me disponueshmëri të kufizuar ose që dalin nga prodhimi, dhe zhvillon burime alternative furnizimi për të garantuar vazhdimësinë e prodhimit.
- Bashkëpunon me Inxhinierinë dhe Cilësinë për verifikimin dhe aprovimin e komponentëve, materialeve dhe furnitorëve të rinj, si dhe për ndryshimet në specifikimet teknike dhe BOM.
- Mbështet proceset e zhvillimit të produkteve të reja duke siguruar në kohë materialet dhe komponentët për prototipim dhe prodhim, si dhe bashkëpunon me ekipet teknike për kërkesat e proceseve SMT, THT dhe asemblimit të PCB-ve.