Ndertimtari & InxhinieriTiranë, Vlorë2 javë më parëFull Time
Përshkrimi
Alupasion po zgjeron stafin me një Inxhinier Teknik.
Në Alupasion sh.p.k. është hapur një vend pune për një Inxhinier Teknik që do të merret me zhvillimin teknik të projekteve në alumin dhe xham, përfshirë fasada, dritare, parapete xhami, sisteme grilash dhe zgjidhje të tjera arkitekturore.
Personi i përzgjedhur do të kujdeset për matjet në terren, përgatitjen e vizatimeve teknike dhe të zbërthimeve për prodhim, hartimin e listave të materialeve, lëshimin e porosive për prodhim, si edhe mbikëqyrjen e realizimit të punimeve në kantier në bashkëpunim me ekipet e prodhimit dhe të montimit.
Ky rol krijon mundësi për angazhim në projekte të ndryshme rezidenciale, komerciale dhe industriale, duke ofruar përvojë praktike në projektim, prodhim dhe zbatim të sistemeve të avancuara të aluminit dhe xhamit.
Detyrat
- Të analizojë dhe zbërthejë projektet teknike, me theks te sistemet e aluminit dhe xhamit.
- Të përgatisë detaje teknike, vizatime dhe porosi për prodhim sipas kërkesave të projektit.
- Të kryejë, kontrollojë dhe dokumentojë matjet në terren para nisjes së prodhimit.
- Të bashkëpunojë me departamentin e prodhimit dhe ekipet e montimit për zbatimin e saktë të projektit.
- Të ndjekë dhe të kontrollojë punimet në terren, duke verifikuar që realizimi të jetë në përputhje me projektin dhe specifikimet teknike.
- Të evidentojë dhe të zgjidhë çështjet teknike gjatë zbatimit, në koordinim me ekipet përkatëse.