Lenti vepron në Kosovë që nga viti 2001 dhe, përgjatë më shumë se dy dekadave, është konsoliduar si një nga emrat më të njohur në tregun e modës. Falë traditës së gjatë në ofrimin e produkteve cilësore dhe një asortimenti të gjerë për të gjitha grupmoshat, kompania ka fituar besimin e klientëve përmes seriozitetit, shërbimit profesional dhe përcjelljes së trendeve bashkëkohore. Angazhimi ndaj stilit, cilësisë dhe kujdesit për konsumatorin e bën këtë butik një pikë të rëndësishme reference në sektorin e shitjes me pakicë në Kosovë.

LENTI, FUSHË KOSOVË

KONKURS PUNE

ZYRTAR/E PËR RESURSE HUMANE

Lloji i punësimit: Me orar të plotë

Qëllimi i pozitës:
Roli i Zyrtarit për Resurse Humane përfshin administrimin e proceseve që lidhen me burimet njerëzore, zbatimin e politikave dhe procedurave të biznesit, menaxhimin e dokumentacionit të stafit, koordinimin e proceseve të rekrutimit, si dhe ofrimin e mbështetjes profesionale për menaxhmentin dhe punonjësit.

Detyrat dhe përgjegjësitë
Kandidati i zgjedhur do të ketë këto përgjegjësi:

Të organizojë dhe bashkërendojë proceset e rekrutimit dhe të përzgjedhjes së kandidatëve për punësim.
Të hartojë kontratat e punës, anekset dhe dokumentacionin tjetër që lidhet me personelin.
Të administrojë dhe përditësojë dosjet personale të punonjësve.
Të mbajë evidenca për punësimet, largimet, transferimet dhe ndryshimet e pozitave.
Të administrojë regjistrat e vijueshmërisë, mungesave, pushimeve vjetore dhe pushimeve mjekësore.
Të koordinojë përgatitjen e orareve dhe turneve të punës në bashkëpunim me menaxherët e njësive.
Të organizojë procesin e pranimit dhe fillimit të punës për punonjësit e rinj.
Të monitorojë periudhën provuese dhe të bashkërendojë vlerësimin e performancës.
Të propozojë, organizojë dhe administrojë trajnime profesionale.
Të përgatisë raporte periodike për menaxhmentin lidhur me gjendjen e personelit.
Të bashkëpunojë me departamentin e financave për evidencat që ndikojnë në përllogaritjen e pagave.
Të koordinojë transferimet e punonjësve ndërmjet njësive organizative.
Të administrojë kartelat, pajisjet e tjera identifikuese dhe dokumentacionin e autorizimeve për punonjësit.
Të evidentojë pajisjet e dorëzuara punonjësve dhe të koordinojë kthimin e tyre në rast të largimit.
Të sigurojë zbatimin e Kodit të Punës, akteve nënligjore dhe rregulloreve të brendshme të biznesit.
Të ofrojë mbështetje profesionale për menaxherët në çështjet që ndërlidhen me burimet njerëzore.
Të identifikojë nevojat për personel shtesë, të përgatisë konkursin, të organizojë procesin e intervistave dhe të japë mbështetje tjetër administrative dhe profesionale.
Të ruajë konfidencialitetin e biznesit dhe të dhënave personale të punonjësve.
Të kryejë edhe detyra të tjera që lidhen me funksionin e burimeve njerëzore, sipas kërkesës së menaxhmentit.

Kualifikimet e kërkuara

Të ketë diplomë universitare në fakultetin Juridik, Menaxhim të Burimeve Njerëzore, Administrim Biznesi ose në një fushë tjetër të përafërt.
Përvoja e punës në burime njerëzore konsiderohet përparësi.
Të ketë njohuri të mira të legjislacionit të punës në Republikën e Kosovës.
Të posedojë aftësi të mira organizative, administrative, komunikuese dhe bashkëpunuese.
Të dëshmojë integritet të lartë moral, etik dhe profesional.
Të ketë njohuri të mira në përdorimin e Microsoft Office (Word, Excel, Outlook).
Të jetë i/e gatshëm/me të punojë nën presion dhe të menaxhojë disa procese njëkohësisht.

Dokumentet e nevojshme

Curriculum Vitae (CV).
Letër motivimi.
Kopje të diplomës universitare.
Dëshmi mbi përvojën e punës (nëse ka).
Certifikata të trajnimeve profesionale (nëse ka).

Vetëm kandidatët që përzgjidhen në listën e ngushtë do të ftohen për intervistë.

Zyrtar/e për Resurse Humane