Lenti vepron në Kosovë që nga viti 2001 dhe, gjatë më shumë se dy dekadave, është shndërruar në një ndër emrat më të njohur të tregut të modës. Me përvojë të gjatë në ofrimin e artikujve cilësorë dhe me një gamë të pasur për të gjitha grupmoshat, kompania ka ndërtuar besimin e klientëve përmes seriozitetit, shërbimit profesional dhe përshtatjes me trendet moderne. Përkushtimi ndaj stilit, cilësisë dhe kujdesit për konsumatorin e pozicionon butikun si një pikë të rëndësishme reference në sektorin e shitjes me pakicë në Kosovë.

LENTI, FUSHË KOSOVË

KONKURS PUNE

ZYRTAR/E PËR ADMINISTRIMIN E RRJETEVE SOCIALE DHE SHITJEN ONLINE

Lloji i punësimit: Me orar të plotë

Raporton tek: Menaxheri i Departamentit / Mbikëqyrësi/ja i/e të shitjes Online

Qëllimi i pozitës

Kjo pozitë merret me menaxhimin e përditshëm të profileve zyrtare të biznesit në Instagram dhe Facebook, komunikimin me klientët, prezantimin dhe promovimin e produkteve, pranimin dhe përcjelljen e porosive online, si dhe mbështetjen e zhvillimit të vazhdueshëm të shitjes online në kompani.

Synimi kryesor i këtij roli është që Instagrami dhe Facebook-u të mos përdoren vetëm për promovim, por edhe si kanale funksionale për komunikim me klientët, prezantim produktesh dhe realizim të shitjeve.

Detyrat dhe përgjegjësitë

Kandidati/ja i/e përzgjedhur do të ketë këto përgjegjësi:

Menaxhimin e Instagramit, Facebook-ut dhe rrjeteve të tjera sociale;
Përgatitjen dhe publikimin e përmbajtjes;
Komunikimin me klientët;
Pranimin e porosive;
Evidentimin dhe përcjelljen e porosive;
Koordinimin me dyqanin dhe depon;
Promovimin aktiv të shitjeve;
Kujdesin për saktësinë e informatave;
Menaxhimin e komenteve dhe të reputacionit online;
Zhvillimin e reklamave dhe promovimeve me pagesë;
Ndjekjen e rezultateve dhe raportimin e rregullt.

Kualifikimet e kërkuara

Kandidatët duhet të plotësojnë këto kushte:

Të kenë të përfunduar së paku arsimin e mesëm;
Të zotërojnë njohuri shumë të mira për përdorimin e Instagramit, Facebook-ut dhe rrjeteve sociale;
Të kenë shkathtësi të mira në komunikim me klientë;
Të jenë të aftë të shkruajnë qartë dhe saktë në gjuhën shqipe;
Të kenë njohuri bazë për përpunimin dhe publikimin e fotografive dhe videove;
Të dinë të përdorin kompjuterin dhe telefonin për nevoja profesionale;
Të kenë njohuri themelore në Excel ose në aplikacione të ngjashme për mbajtjen e evidencave;
Përvoja në shitje, rrjete sociale ose në komunikim me klientë do të konsiderohet përparësi.

Dokumentet e kërkuara

CV e përditësuar;
Kopje e diplomës së shkollimit të përfunduar;
Dëshmi e përvojës së punës, nëse ka;
Certifikata të trajnimeve, nëse ka;
Referenca nga punëdhënësit e mëparshëm, nëse ka.

Vetëm kandidatët që përfshihen në listën e ngushtë do të ftohen për intervistë.

Zyrtar/e për Administrimin e Rrjeteve Sociale dhe Shitjen Online